ఏ క్లిష్ట పరిస్థితుల మాయో కానీ
ఏ దుష్టశక్తుల ప్రభావమో కానీ
ఏ ప్రకృతి వైపరీత్యమో కానీ
ఏ వీధి వికృత విషప్రయోగమో కానీ

అనుకోకుండా ఆకస్మికంగా
కలలో కూడా ఊహించని రీతిలో
ఏదో ఒక దుస్సంఘటన
కనురెప్పపాటులో జరిగి

అప్పటివరకు
ఎంతో అభిమానంగా
ప్రాణానికి ప్రాణంగా
ఎంతో అన్యోన్యంగా ఉన్న
అమ్మానాన్నలు, అన్నాతమ్ముళ్ళు
అక్కాచెల్లెళ్ళు, ప్రాణమిత్రులు
దూరపు బంధువులు
ఒక్కసారిగా దూరమైపోతారు కానీ

ఎవరైతే దూరంగా వెళ్లినా
తిరిగి దగ్గరకు రావడానికి
పడిపోయినా పైకి లేవడానికి
చెడిపోయినా బాగుపడడానికి
విడిపోయినా కలిసి బ్రతకడానికి

గట్టిగా మనస్ఫూర్తిగా
ప్రయత్నిస్తారో వారే
విధిని ఎదిరించే...విజయాన్ని సాధించే
వీరాధివీరులు...శూరులు...విశ్వవిజేతలు