ఎత్తుపల్లాలే లేకుంటే...
అది దారి ఎలా ఔతుంది ?

ఆశల ఆరాటమే లేకపోతే...
అది జీవితమెలా ఔతుంది ?

ఆపదలో ఆదుకోకపోతే...
అది స్నేహమెలా ఔతుంది ?

ఒకరు ఓడి పోకపోతే...
అది గెలుపెలా ఔతుంది ?

తొండమే లేకపోతే...
అది ఏనుగెలా ఔతుంది ?

జింకలను వేటాడకపోతే...
అది పులెలా ఔతుంది ?

కమ్మగా పాడకపోతే...
అది కోయిలెలా ఔతుంది ?

పురివిప్పి ఆడకపోతే...
అది నెమలెలా ఔతుంది ?

మూడుముళ్ళు పడకపోతే...
అది పెళ్ళెలా ఔతుంది ?

పిల్లలను కనకపోతే...
ఆమె తల్లెలా ఔతుంది ?

సమస్యలే లేకపోతే...
అది సంసారమెలా ఔతుంది ?

మంచిని తలపెట్టక పోతే...
అది మనిషి జన్మ ఎలా ఔతుంది?