ప్రత్యర్థులే లేకపోతే...
అది పోటీ ఎలా ఔతుంది?

చిమ్మచీకటినే చీల్చకపోతే...
అది దీపమెలా ఔతుంది?

త్యాగమే చేయకపోతే...
ఆమె దేవత ఎలా ఔతుంది?

లోతుగా అన్వేషించకపోతే...
అది సత్యమెలా ఔతుంది ?

కళ్ళు ఎర్రబడకపోతే...
పళ్ళు పటపటా కొరక్కపోతే...
అది కోపమెలా ఔతుంది ?

లాభనష్టాలు రాకపోతే...
అది వ్యాపారమెలా ఔతుంది ?

కళ్ళుపొరలు కమ్మకపోతే...
అది కామమెలా ఔతుంది ?

ముద్దుమురిపాలు లేకపోతే...
అది ప్రేమ ఎలా ఔతుంది ?

అన్యాయాన్ని ప్రశ్నించకపోతే...
అది తిరుగుబాటెలా ఔతుంది?

దుర్మార్గాన్ని ప్రతిఘటించకపోతే...
అది పోరాటమెలా ఔతుంది?

మంచిని తలపెట్టక పోతే....
అది మనిషి జన్మ ఎలా ఔతుంది?