వరంగల్ ఉపఎన్నిక.. టీడీపీ బీజేపీకే ఆ ఛాన్స్ ఇవ్వనుందా?

వరంగల్ ఉపఎన్నికల షెడ్యూల్ ఖరారైన నేపథ్యంలో ఏ పార్టీ వ్యూహాలు ఆ పార్టీకి ఉన్నాయి. అయితే ఈ ఉపఎన్నికకు టీటీడీపీ.. బీజేపీ పార్టీలు తమ అభ్యర్ధులను బరిలోకి దింపడానికి పోటీపడుతున్న సంగతి తెలసిందే. దీనిలో భాగంగానే గత ఎన్నికల్లో శాసనసభ స్థానానికి.. రెండు ఎమ్మెల్సీ స్థానాలకు గాను టీడీపీ బీజేపీ తరుపున మిత్రధర్మం పాటించిందని.. ఇప్పుడు బీజేపీ కూడా మిత్రధర్మ పాటించాలని సూచించారు. అయితే ఇప్పుడు టీడీపీ ఈ విషయంలో కొంచం వెనక్కి తగ్గినట్టు తెలుస్తోంది. ఎందుకంటే తెలంగాణలో టీడీపీ పరిస్థితి అంతంత మాత్రమే ఉంది.. ఈ పరిస్థితిలో పోటీ చేయడం.. ఒకవేళ పోటీ చేసినా గెలుస్తామనే నమ్మకం లేకపోవడంతో రిస్క్ తీసుకోవడం ఎందుకులే అని భావించి ఆ అవకాశం బీజేపీకే ఇవ్వాలని నిర్ణయం తీసుకున్నట్టు తెలుస్తోంది. సార్వత్రిక ఎన్నికలకు చాలా సమయం ఉన్న నేపథ్యంలో అనవసరమైన తప్పుల్ని చేయకూడదన్న లక్ష్యంతోనే వరంగల్ ఉఫ ఎన్నికకు దూరంగా ఉండాలని భావిస్తున్నట్లు చెబుతున్నారు. ఇదిలా ఉండగా ఈ ఉపఎన్నికు బీజేపీ ముగ్గురు పార్టీ అభ్యర్ధులను ఖరారు చేసింది.. వారిలో డాక్టర్ పంగిడి దేవయ్య.. డాక్టర్ రాజమౌళి.. డాక్టర్ ఎ. చంద్రశేఖర్ లు ఉన్నారు.