సినీ హీరో.. అర్ధరాత్రి అంకమ్మ శివాలు...

అసలే సక్సెస్‌లో ఉన్న హీరో. అందులోనూ తప్ప తాగాడు. పైగా చుట్టూ ఫ్రెండ్స్ కూడా ఉన్నారు. ఇంకేం మనోడు రెచ్చిపోయాడు. శనివారం అర్ధరాత్రి జూబ్లీహిల్స్ నడి రోడ్డు మీద అంకమ్మ శివాలు చేశాడు. ఆ హీరోకి సపోర్టుగా ఆయనగారి ఫ్రెండ్స్ కూడా గోలగోల చేశారు. ఆ ఫ్రెండ్స్ కూడా తక్కువ వాళ్ళేం కాదు.. డబ్బు, పలుకుబడి బాగా పెరిగిపోయిన రాజకీయ నాయకుల పుత్రరత్నాలు. వీళ్ళ గోల చూసి దారిన పోతున్నవాళ్ళు అర్ధరాత్రివేళ ఈ అంకమ్మ శివాలేంటని హీరో, ఆయన మిత్రులను ప్రశ్నించారు. దాంతో వాళ్ళందరూ మరింత రెచ్చిపోయారు. ఇంత గొప్పవాళ్ళం మమ్మల్నే ప్రశ్నిస్తారా అంటూ వాళ్ళమీద దౌర్జన్యానికి దిగారు. ఈ సందర్భంగా వారిమధ్య తోపులాట జరిగింది. ఇంతలో అక్కడే నివాసం ఉంటున్న ఐపీఎస్ అధికారి పోలీసు కంట్రోల్ రూమ్‌కి సమాచారం ఇచ్చారు. పోలీసులు అక్కడకి వచ్చి, హీరోకి, ఆయన ఫ్రెండ్స్‌కి బాగా తలంటి అక్కడి నుంచి పంపించేశారు.