పవన్ పై కవిత ఫైర్.. పవన్ కళ్యాణ్ కు ఎప్పుడో చుక్కలు చూపించారు..

నిజామాబాద్ ఎంపీ కవిత మరోసారి జనసేన పార్టీ అధినేత పవన్ కళ్యాణ్ పై మండిపడ్డారు. ఫిలిం స్టార్ల ప్రచారం జనానికి ఫ్రీ ఎంటర్ టైన్ మెంట్ మాత్రమే అని.. టీడీపీ-బీజేపీ వాళ్లు పవన్ కళ్యాణ్ తో ప్రచారం చేయిస్తారంట.. పవన్ కళ్యాణ్ కు కేసీఆర్ ఎప్పుడో చుక్కలు చూపించారని.. ఎన్నికలప్పుడు మేకప్ వేసుకుంటారు.. తరువాత పేకప్ చెబుతారని విమర్శించారు. ఆంధ్రావాళ్ల కోసం పవన్ కళ్యాణ్ తో పోటీ చేయిస్తామంటున్నారు.. మేకప్ వేసుకొని వచ్చి ప్రచారం చేసే వాళ్లని ప్రజలు నమ్మే పరిస్థితిలో లేరని అన్నారు. అంతేకాదు తాము ఫుల్ టైమ్ పొలిటీషియమ్స్ అని.. వాళ్లు పార్ట్ టైమ్ పొలిటీషియమ్స్ అని ఎద్దేవ చేశారు.