నేడు చింతపల్లిలో జగన్ బహిరంగ సభ

విశాఖ ఏజన్సీ ప్రాంతంలో బాక్సైట్ తవ్వకాలకు అనుమతిస్తూ ఆంధ్రప్రదేశ్ ప్రభుత్వం జారీ చేసిన జి.ఓ.ను తక్షణమే ఉపసంహరించుకోమని కోరుతూ వైయస్సార్ కాంగ్రెస్ పార్టీ అధ్యక్షుడు జగన్మోహన్ రెడ్డి ఈరోజు విశాఖ జిల్లాలోని చింతపల్లిలో ‘విశాఖ బాక్సైట్ - గిరిజనుల హక్కు’ పేరిట ఒక బహిరంగ సభ నిర్వహించబోతున్నారు. ఈ నిరసన సభలో పాల్గొనేందుకు ఆయన ఈరోజు హైదరాబాద్ నుండి విశాఖకు వస్తున్నారు. ఉదయం 10 గంటలకు విశాఖ విమానాశ్రయం చేరుకొని అక్కడి నుండి నర్సీపట్నం మీదుగా రోడ్డు మార్గం ద్వారా చింతపల్లికి చేరుకొంటారు. మధ్యాహ్నం సుమారు 12గంటలకు చింతపల్లిలో సభ ప్రారంభం అవుతుంది. పార్టీ ప్రధాన కార్యదర్శులు విజయసాయి రెడ్డి, ఉమ్మారెడ్డి వెంకటేశ్వరులు, జిల్లా అధ్యక్షుడు గుడివాడ అమర్ నాథ్, పాడేరు ఎమ్మెల్యే గిడ్డి ఈశ్వరి ఏర్పాట్లు చేస్తున్నారు.