ఏపీ వచ్చే ప్రభుత్వ ఉద్యోగులకు బంపరాఫర్..

జూన్ 27 నాటికి హైదారాబాద్లో ఉన్న ప్రభుత్వ ఉద్యోగులు ఏపీకి రావాలని ఒకపక్క ఏపీ ముఖ్యమంత్రి చంద్రబాబు నాయుడు చెబుతుంటే.. మరోవైపు ఉద్యోగులు మాత్రం ఏపీకి రావడానికి అస్సలు ఆసక్తి చూపించడం లేదు. అంతేకాదు దీనిపై ఎన్జీవో నాయకుడు అశోక్ బాబు కూడా ఈ విషయంపై సంచలన వ్యాఖ్యలు చేశారు. అక్కడ ఎలాంటి వసతులు లేకుండా వెళ్లి ఏం చేయాలి అని అంటున్నారు. అయితే ఇప్పుడు హైదరాబాద్ నుంచి అమరావతికి వెళ్లే ఉద్యోగులకు ఏపీ ప్రభుత్వం బంపర్ ఆఫర్ ఇచ్చింది. ముప్పై శాతం హెచ్ఆర్ఏ ఇస్తామని ప్రభుత్వం ప్రకటించిన విషయం తెలిసిందే. ఇందుకు సంబంధించి మంగళవారం నాడు ఉత్తర్వులు జారీ చేసింది. హెచ్ఆర్ఏ పై ఉత్తర్వులు ఇవ్వడంతో ఉద్యోగులు హర్షం వ్యక్తం చేస్తున్నారు. మరి ఇన్ని రోజులు అక్కడ అద్దెలు ఎక్కువున్నాయి.. వసతులు లేవు అని వంకలు చెబుతున్న ఉద్యోగులు ఇప్పుడైనా ఏపీకి వెళతారో లేదో చూడాలి.