పుట్టినరోజు వేడుకల్లో లాలూ.. నితీశ్ కుమార్ శుభాకాంక్ష‌లు

రాష్ట్రీయ జ‌న‌తా ద‌ళ్ అధ్య‌క్షుడు లాలూ ప్ర‌సాద్ యాద‌వ్ తన 69వ పుట్టినరోజు జరుపుకుంటున్నారు. బీహార్‌ పాట్నాలోని త‌న నివాసంలో నేడు కుటుంబ సభ్యుల మ‌ధ్య ఆయ‌న ఈరోజు ఉద‌యం కేక్ క‌ట్ చేశారు. భార్య ర‌బ్రీదేవితో పాటు త‌న‌కూతురు ఈ సంద‌ర్భంగా ఇచ్చిన పుష్ప‌గుచ్చాని ఆయ‌న స్వీక‌రించారు. ఇంకా బీహార్ ముఖ్యమంత్రి నితీశ్ కుమార్ కూడా లాలూకి శుభాకాంక్షలు తెలిపారు. లాలూ నివాసానికి చేరుకుని ఆయ‌నకు పుట్టిన రోజు శుభాకాంక్ష‌లు చెప్పారు. లాలూ ఆరోగ్యంగా ఉండాల‌ని కోరుకున్నారు. ఇంకా లాలూ ప్ర‌సాద్ యాద‌వ్ పుట్టిన రోజు వేడుక సంద‌ర్భంగా ఆయ‌న ఇంటి వ‌ద్ద పండ‌గ వాతావ‌ర‌ణం నెల‌కొంది.