సీన్ రివర్స్.. టీడీపీనేత వైసీపీలోకి

ఒకపక్క ఏపీ అధికార పార్టీ అయిన టీడీపీలోకి ప్రతిపక్ష పార్టీకి చెందిన నేతలు వలుసలు సాగిస్తున్నారు. ఇప్పటికే ఎంతోమంది నేతలు టీడీపీలోకి జంప్ అయ్యారు. అయితే ఇప్పుడు సీన్ రివర్స్ అయింది. టీడీపీకి చెందిన ఓ నేత వైసీపీలోకి చేరడానికి ప్రయత్నిస్తున్నట్టు తెలుస్తోంది. పశ్చిమగోదావరి జిల్లా తాడేపల్లి గూడెం మాజీ ఎమ్మెల్యే కొట్టు సత్యనారాయణ టీడీపీకి రాజీనామా చేసి వైసీపీలోకి జంప్ అవ్వాలని చూస్తున్నట్టు రాజకీయ వర్గాలు చర్చించుకుంటున్నాయి. పార్టీపై ఉన్న అసంతృప్తి.. పార్టీలో ఉన్న వారికి కాకుండా బయట నుండి వచ్చిన వారికి ప్రాధాన్యత ఇస్తున్నారన్న నేపథ్యంలో ఈయన పార్టీ మారాలని నిర్ణయించుకున్నట్టు సమాచారం. కాగా 2014లో టీడీపీ చేరిన ఆయన తాడేపల్లిగూడెం నుంచి అసెంబ్లీ టికెట్ ఆశించారు. అయితే పొత్తులో భాగంగా ఆ స్థానం బీజేపీకి కేటాయించారు.