ఆడ వేషంలో 11 పెళ్లిళ్లు చేసుకున్న ఘనుడు.

ఓ ఘనుడు ఒకటి కాదు రెండు కాదు ఏకంగా 11 పెళ్లిళ్లు చేసుకున్నాడు. ఇంకా ఆశ్చర్యకరమైన విషయం ఏంటంటే.. పురుషుడే స్త్రీవేషం వేసుకొని 11 మందిని పెళ్లిచేసుకున్నాడు. ఈ విచిత్రమైన ఘటన చైనాలో చోటుచేసుకుంది. చైనాలో మియావూ సొంగాటో అనే వ్యక్తి నిత్యం మహిళలా అందంగా ముస్తాబై ఆన్ లైన్ లో ఛాటింగ్ చేస్తూ.. ప్రోఫైల్ బాగున్న అబ్బాయిలను ఆడగొంతుతో మాయచేసేవాడు. కేవలం వెబ్ ఛాట్ ద్వారా వారిని పెళ్లి వరకు తీసుకెళ్లేవాడు. ఇలా ఏడాదిలో 11 మంది అబ్బాయిలను ఆడవేషంలో పెళ్లి చేసుకున్నాడు. పెళ్లి చేసుకున్న తరువాత గిఫ్టులు, పెళ్లి వారింట్లో డబ్బులు పట్టుకుని మెల్లిగా చెక్కేసేవాడు. అయితే 11వ భర్త పోలీసులకు ఫిర్యాదు చేయడంతో సొంగాటో అసలు రంగు బయటపడింది. అతని ఇంటిపై దాడి చేసిన పోలీసులు, పెద్దఎత్తున స్త్రీలు ఉపయోగించే దుస్తులు, మేకప్ సామాన్లను స్వాధీనం చేసుకున్నారు.