నాన్ వెజ్ తినేవాళ్లలో తెలంగాణ రాష్ట్రమే ఫస్ట్..

ఇటీవల ఒక్క రోజులో సమగ్ర సర్వే చేసినందుకు తెలంగాణ రాష్ట్రానికి లిమ్కా అవార్డ్ దక్కింది. ఇప్పుడు మరో విషయంలో తెలంగాణ రాష్ట్రానికి ప్రత్యేక గుర్తింపు లభించింది. మాంసాహారం తినే వాళ్లలో తెలంగాణ వాసులే ఫస్ట్ ప్లేస్ కొట్టేశారు. దేశంలోని నాన్ వెజ్ ఎక్కువగా తినే వారిమీద అన్ని రాష్ట్రాల్లో సర్వే నిర్వహించగా తెలంగాణ రాష్ట్రం అన్ని రాష్ట్రాలను వెనక్కి నెట్టేసి ముందు ప్లేస్ దక్కించుకుంది. ఈ అంశాన్ని శాంపిల్ రిజిస్ట్రేషన్ సిస్టమ్ (ఎస్ఆర్ఎస్) పేర్కొంది. తెలంగాణ‌లో మాంసాహారాన్ని తీసుకుంటోన్న వారి శాతం 98.7గా ఉంద‌ని.. ఆ తరువాతం 98.55 శాతంతో  పశ్చిమ బెంగాల్  రెండవ స్థానంలోఉందని ఎస్ఆర్ఎస్ తెలిపింది. ఇక ఒడిశా, కేర‌ళ రాష్ట్రాల్లో వ‌ర‌స‌గా 97.35, 97 శాతం మంది ప్ర‌జ‌లు మాంసాహారాన్ని తీసుకుంటున్నారని.. గుజ‌రాత్‌లో గతంలో క‌న్నా మాంసాన్ని తినే వారి సంఖ్య 40 శాతం పెరిగిందని తెలిపింది.