నేను మాత్రం వ్యాన్ దిగను... దింపితే ఊరుకోను.. ముద్రగడ

తుని కేసుకు సంబంధించి నిన్న పోలీసులు పది మందిని అరెస్ట్ చేసిన సంగతి తెలిసిందే. అయితే వీరి అరెస్ట్ నిమిత్తం కాపు నేత ముద్రగడ పద్మనాభం పోలీస్ స్టేషన్ నిరసనకు దిగారు. దీంతో ఆయనను పోలీసులు నిందితులను తరలించే వ్యానులో ఎక్కించుకొని ఆయన నివాసం వద్ద దించాలని చూసినా.. ముద్రగడ మాత్రం వారితో వాగ్వాదానికి దిగారు. తాను ఎట్టిపరిస్థితుల్లోనూ.. వ్యాన్ దిగబోనని.. అరెస్ట్ చేసిన వారిని తక్షణ విడుదల చేయండి.. లేదంటే తనను కూడా అరెస్ట్ చేసి జైలుకు తరలించండి అంటూ డిమాండ్ చేశారు. తనను బలవంతంగా వ్యాన్ దించాలని చూస్తే మాత్రం మరోసారి స్టేషన్ ను ముట్టడిస్తానని హెచ్చరించారు. దీంతో పోలీసులకు ఏం చేయాలో తెలియక అయోమయ స్థితిలో పడ్డారు. అంతేకాదు తానే పోలీసులకు ఓ ఆఫర్ కూడా ఇచ్చాడు. కేసులో నిందితులుగా ఉన్నవారి జాబితాను తనకిస్తే, తానే స్వయంగా వారిని స్టేషనులో అప్పగిస్తానని, అమాయకులను భయాందోళనలకు గురిచేస్తే మాత్రం ఊరుకునేది లేదని అన్నారు.