మహిళా జర్నలిస్ట్ పై ఎమ్మెల్యే అసభ్య పదజాలం..

రాజకీయ నేతలు నోరు జారడం కొత్తేమి కాదు. అధికారంలో ఉన్నాం కదా అని.. నోరు జారుతుంటారు. ఇప్పటికే ఎంతోమంది నేతలు సామాన్య ప్రజలపై తమ ప్రతాపం చూపిస్తుంటారు. ఆ తరువాత క్షమాపణలు చెబుతుంటారు. ఇప్పుడు కర్ణాటకు చెందిన ఓ ఎమ్మెల్యే కూడా ఓ మహిళను ఇష్టమొచ్చినట్టు తిట్టేశాడు. వివరాల ప్రకారం.. కర్ణాటకలో రాజ్యసభ ఎన్నికల నేపథ్యంలో ఎమ్మెల్యేలను కొంటున్నట్టు వార్తలు వచ్చిన సంగతి తెలిసిందే. దీనికి సంబంధించిన వీడియో కూడా బయటకు వచ్చింది. ఈ నేపథ్యంలో ఓ మీడియా మహిళా ప్రతినిధి ఆ విషయంపై కర్ణాటక ఎమ్మెల్యే అశోక్ ఖేని ప్రశ్నించగా.. కోపం కట్టలు తెంచుకొని వచ్చిన ఎమ్మెల్యే గారు.. 'అరెస్ట్ కరో సాలీకో' (దీనిని అరెస్టు చేయండి) అంటూ అసభ్యకరంగా మాట్లాడాడు. దీంతో సదరు ఎమ్మెల్యే చేసిన వ్యాఖ్యలపై ఆగ్రహం వ్యక్తం చేస్తున్నారు. ఒక ఎమ్మెల్యే స్థానంలో ఉన్న వ్యక్తి ఇలాంటి పదజాలం ఉపయోగించడం సరికాదని.. అతను క్షమాపణలు చెప్పాలని డిమాండ్ చేస్తున్నారు. అయితే ఎమ్మెల్యే క్షమాపణలు చెప్పడానికి అంగీకరించాడు కానీ.. ముందు రిపోర్టర్ క్షమాపణలు చెబితేనే కానీ తాను క్షమాపణలు చెబుతానని ఫిట్టింగ్ పెట్టాడు. మరి రిపోర్టర్ క్షమాపణలు చెబుతాడా.. లేక ఎమ్మెల్యేనే క్షమాపణలు చెబుతాడా.. చూడాలి.. ఏం జరుగుతుందో..