గండిపేటలో కాల్పుల కలకలం..

హైదరాబాద్ నగరంలోని గండిపేటలో కాల్పుల కలకలం రేగింది. గండిపేటలోని పుప్పాలగూడ వద్ద నిన్న రాత్రి జరిగిన కాల్పుల వల్ల అక్కడ ఉద్రిక్త వాతావరణం నెలకొంది. వివరాల ప్రకారం.. గోల్కొండ రిసార్ట్‌లో నిన్న రాత్రి ఓ ఫంక్ష‌న్ జ‌రిగింది. ఈ ఫంక్షన్ కు  గండిపేట సర్పంచ్ భర్త ప్రశాంత్ యాదవ్, న‌ల్గొండ జిల్లా కోదాడ‌కు చెందిన ప్ర‌భాక‌ర్ హాజ‌ర‌య్యారు. అయితే వీరిద్దరికి ఓ ఆస్తి వివాదంలో వాగ్వాదం జరుగగా.. ప్ర‌శాంత్‌ను బెదిరించేందుకు ప్ర‌భాక‌ర్ గాల్లోకి కాల్పులు జ‌రిపారు. అయితే కాల్పులు జ‌రిపిన స‌మ‌యంలో ప్ర‌భాక‌ర్ తాగి ఉన్నాడ‌ని పోలీసులు చెప్పారు. దీనిపై పోలీసులు మ‌రిన్ని వివ‌రాలు సేక‌రిస్తున్నామని తెలిపారు.