చంద్రబాబు ముందస్తు ఎన్నికల యాత్ర

చంద్రబాబు పాదయాత్ర పల్లెలగుండా సాగుతోంది. ఎప్పుడూ సీరియస్ గా కనిపించే చంద్రబాబు చిరునవ్వుతో అందర్నీ పలకరిస్తున్నారు. ఎప్పుడూ విక్టరీ సింబల్ ని సూచించే రెండువేళ్లని చూపించే ఆయన ఇప్పుడు రెండు చేతులూ జోడించి నమ్రతగా తనని చూసేందుకొచ్చినవాళ్లకు నమస్కారం చేస్తున్నారు. చంద్రబాబులో చాలా మార్పు కనిపిస్తోంది. గ్రామీణుల్లో ఎనలేని అభిమానాన్ని సంపాదించుకునేందుకు ఆయన చాలా కసరత్తు చేస్తున్నారు. వాస్తవానికి పాదయాత్ర మొదలుపెట్టడానికి ముందే చంద్రబాబు ఎలా ఉండాలి, ఎలా నడవాలి, ఎలా నడుచుకోవాలి, తనని చూడడానికి వచ్చేవాళ్లని ఎలా పలకరించాలి, ఏమేమి హామీలు ఇవ్వొచ్చు, ఎలా ప్రజాభామానాన్ని చూరగొనచ్చు అనే అంశాలమీద విస్తృత స్థాయిలో రీసెర్చ్ చేసినట్టు సమాచారం. గతంలో పార్టీ లీడర్లందరికీ వరసపెట్టి వ్యక్తిత్వ వికాస పాఠాలు నేర్పించిన చంద్రబాబు, తనుకూడా క్లాసులకు హాజరయ్యారు. హైటెక్ ముఖ్యమంత్రిగా పేరు సంపాదించుకునేందుకు అప్పట్లో తహతహలాడిన చంద్రబాబు ఇప్పుడు మళ్లీ గ్రామీణ ప్రాంతాల్లో పట్టు సంపాదించుకునేందుకు గట్టిగా ప్రయత్నిస్తున్నారు. మొత్తానికి బాబు ఏం చేసినా పక్కా ప్లాన్ తోనే చేస్తారు. కార్యరంగంలోకి దిగేముందు విషయంమీద గట్టి కసరత్తు చేస్తారు. నిపుణుల సలహాల్నికూడా జోడించి బాగా వర్కవుట్ చేసే ప్రయత్నం చేస్తారు. చంద్రబాబు పాదయాత్రకి వస్తున్న జనాన్ని చూస్తే చంద్రబాబు ఛరిష్మా ఇంకా తగ్గలేదనే అనిపిస్తోంది. రాబోయే ఎన్నికల్లో ఓటుబ్యాంక్ బలపడే పరిస్థితి స్పష్టంగా కనిపిస్తోందని పార్టీవర్గాల అంచనా...