LATEST NEWS
ఎప్పుడెప్పుడా అని ఎదురు చూస్తున్న ఐపిల్ రానే వచ్చేసింది. ఆదివారం ఉప్పల్ స్టేడియంలో జరుగనున్న ఇండియన్ ప్రీమియర్ లీగ్ టిక్కెట్లు హాట్ కేకుల్లా అమ్ముడుపోయాయి. సన్ రైజర్స్ హైద్రాబాద్, రాజస్థాన్ రాయల్స్ మధ్య మ్యాచ్ జరుగనుంది. ఈ సీజన్ శనివారం నాడు ప్రారంభమైంది. ఆదివారం జరుగనున్న రెండో మ్యాచ్ కోసం ఎంతో ఆసక్తిగా ఎదురు చూస్తున్నారు. టీవీల్లో కాకుండా నేరుగా ఉప్పల్ స్టేడియంలో లైవ్ చూడాలన్న ఉబలాటం కూడా ఎక్కువగానే ఉంది. ఈ మ్యాచ్ కోసం ఆన్ లైన్, ఆఫ్ లైన్ టికెట్లు అమ్ముడుపోయాయి. ఎక్కువమందికి టికెట్లు దొరకక ఎదురు చూస్తున్నవారు లేకపోలేదు.
దీన్ని ఎన్ క్యాష్ చేసుకోవాలనుకుంటున్న వాళ్లు బ్లాక్ లో విక్రయిస్తున్నారు. టికెట్ల కోసం వెళ్లిన వారికి బ్లాక్ టికెట్లు అమ్ముతున్నభరద్వాజ్ అనే వ్యక్తిని పోలీసులు అరెస్ట్ చేశారు. భరద్వాజ్ నుంచి నాలుగు టికెట్లు స్వాధీనం చేసుకుని కేసు నమోదు చేశారు.
.webp)
మత్తు పదార్థాల వలె సెల్ ఫోన్లకు అతుక్కుపోయేవారి సంఖ్య రోజురోజుకి పెరిగిపోతుంది. ట్రాయ్ 2024 సెప్టెంబర్ నివేదిక ప్రకారం తెలంగాణలో 4.19 కోట్ల మంది ఉన్నట్లు వెల్లడైంది. ఇందులో సెల్ ఫోన్ లు వినియోగించేవారు 4.4 కోట్లు ఉంటే ల్యాండ్ లైన్ వినియోగించేవారు 15.25 లక్షల వరకు ఉన్నారు. సెల్ ఫోన్ లు వినియోగించే వారు పట్టణాల్లో 59 శాతం ఉంటే గ్రామీణ ప్రాంతాల్లో 39 శాతం ఉన్నారు. ల్యాండ్ లైన్ వినియోగించే వారు పట్టణాల్లో ఎక్కువ శాతం ఉన్నట్టు వెల్లడైంది. ప్రతీ వందమందిలో 105 సెల్ ఫోన్లు ఉంటున్నాయి. అంటే జనాభా కంటే సెల్ ఫోన్లు ఎక్కువగా ఉంటున్నాయి. సెల్ ఫోన్లు వినియోగించడం వల్ల మెదడు సంబంధిత రుగ్మతలు కూడా ఎక్కువగానే ఉంటున్నాయి.
ఎంఆర్ పిఎస్ అధ్యక్షుడు మందకృష్ణ వైకాపా అధినేత వైఎస్ జగన్ పై సంచలన వ్యాఖ్యలు చేశారు. ఐదేళ్ల వైకాపా ప్రభుత్వం ఎస్ సి వర్గీకరణ కోసం ఒక్క ప్రయత్నం కూడా చేయలేదన్నారు జగన్ వల్ల ఎలాంటి ప్రయోజనం ఉంటుందో ఆ పార్టీలోని మాదిగ నేతలు పునరాలోచించుకోవలన్నారు. ఎపి అసెంబ్లీలో ముఖ్యమంత్రి చంద్రబాబునాయుడు ఎస్ సి వర్గీకరణపై ఏకగ్రీవ తీర్మానం చేయడం చారిత్రక విజయమన్నారు. శాసనమండలిలో వైకాపాకు బలమున్నప్పటికీ చంద్రబాబు తన రాజకీయ అనుభవంతో ఏకగ్రీవం చేయగలిగారన్నారు. దశాబ్దాలుగా నలుగుతున్న వర్గీకరణ తీర్మానంలో చంద్రబాబు కీలక పాత్ర పోషించారన్నారు. ఎన్ని ఒత్తిళ్లు ఎదురైనా ముఖ్యమంత్రి న్యాయం వైపే నిలబడ్డారన్నారు.
.webp)
ఆంధ్ర ప్రదేశ్ అవనిగడ్డలో ఐసిస్ డ్రగ్ కలకలం రేపింది. తాజాగా ఈగల్ టీం దాడుల్లో విస్తుకోల్పోయే నిజాలు వెల్లడయ్యాయి. ఐసిస్ లాంటి తీవ్రవాద సంస్థలు వినియోగించే డ్రగ్స్ కృష్ణా జిల్లా అవనిగడ్డ వీధుల్లో లభ్యం కావడంతో అధికారుల ఫీజులు ఎగిరిపోయాయి. ఐసిస్ ఉగ్రవాద సంస్థ వినియోగించే ట్రెమడాల్ అనే సైకో ట్రోపిక్ సబ్ స్టెన్స్( మాదక ద్రవ్యం) ఎలాంటి అనుమతులు లేకుండా విక్రయాలు చేస్తున్నట్లు గుర్తించారు. గత రెండేళ్ల కాలంలో 55,961 ట్రెమడాల్ ట్యాబ్లెట్లు, 2, 794 ఇంజక్షన్లు అనుమతి లేకుండానే విక్రయాలు చేసినట్టు అధికారులు చెబుతున్నారు. అవనిగడ్డలోని భార్గవ్ మెడికల్ హాల్ ఈ చీకటి వ్యాపారాన్ని ప్రారంభించింది నిన్న మొన్న కాదు.2022 నుంచి అమ్మకాలుచేస్తున్నట్టు అధికారులు వెల్లడించారు. అప్పట్లో అధికారంలో ఉన్న వైకాపా ప్రభుత్వం ఈ అమ్మకాలను కట్టడి చేయలేకపోయింది. ఐసిస్ డ్రగ్ దందాను నడుపుతున్న భార్గవ్ మెడికల్ షాపుపై కేసు నమోదైంది. మెడికల్ షాప్ యాజమాని కొనకళ్ల రామ్మోహన్ తాను చేసిన నేరాన్ని అంగీకరించారు. చాలాకాలం నుంచి నిషేధిత డ్రగ్స్ అమ్ముతున్నట్లు చెప్పారు. ఈగల్ టీం అధికారులు దాడులు జరపడం ఇదే మొదటి సారి అని రామ్మోహన్ పేర్కొన్నారు.
ఫైటర్ డ్రగ్ గా పిలిచే ఐసిసి డ్రగ్ ను మిలిటెంట్లు శిక్షణ కాలం నుంచే వాడతారు. కొత్తగా రిక్రూట్ అయిన మిలిటెంట్ల కు శిక్షణ ఇచ్చే కాలంలో ఐసిస్ డ్రగ్ వినియోగిస్తే అలసట, నిద్ర రాకుండా ఉంటుందని అధికారులు తెలిపారు, ఎక్కువ సేపు ఉత్తేజంగా పనిచేయటానికి ఐసిస్ ఉగ్రవాద సంస్థ ఉగ్రవాదులకు ఈ ట్రెమడాల్ మాత్రలను అందిస్తుంటాయి. అందుకే దీన్ని ప్రపంచ వ్యాప్తంగా ''ఐసిస్ డ్రగ్''గా పిలుస్తారు. ఎన్ ఫోర్స్ మెంట్ డైరెక్టర్ జనరల్ హరీష్ కుమార్ గుప్తా ఆదేశాల మేరకు దాడులుచేసి నిషేధిత డ్రగ్ ను స్వాధీనం చేసుకున్నట్టు విజిలెన్స్ ఈగల్ ఐజి రవికృష్ణ తెలిపారు. ట్రెమడాల్ డ్రగ్ ను 2018లో కేంద్ర ప్రభుత్వం నిషేధిత డ్రగ్ జాబితాలో చేర్చింది. అంతే కాదు ఎన్ డిపిఎస్ చట్టం పరిధిలో చేర్చింది. ట్రెమడాల్ ను మాదక ద్రవ్యంగా గుర్తించి కాంబినేషన్, అనుమతించిన పరిమాణంలోనే వైద్యుల సలహా మేరకు వినియోగించాలన్న నిబంధన పెట్టింది.
అవనిగడ్డ పరిసర ప్రాంతాల్లో యువత ఎక్కువగా ఈ నిషేధిత డ్రగ్ వినియోగిస్తున్నట్టు అధికారుల దర్యాప్తులో తేలింది. వందలాది మంది యువకులు ఈ మత్తుకు బానిసలయ్యారు.ఎన్ డిపిఎస్ చట్టంలోని సెక్షన్ల క్రింద అవనిగడ్డ పోలీస్ స్టేషన్ లో కేసు నమోదైంది.
కాగా విశాఖ పట్నంలో కాలం చెల్లిన మందులను విక్రయిస్తున్న ఐదు మెడికల్ షాపులను అధికారులు సీజ్ చేశారు.
తెలంగాణ రాజకీయాలలో అనూహ్య సంఘటన జరిగింది. ఉప్పూ నిప్పులా ఉండే రేవంత్ రెడ్డి, హరీష్ రావులు శుక్రవారం భేటీ అయ్యారు. మాజీ మంత్రి పద్మారావుగౌడ్ తో కలిసి అసెంబ్లీలోని సీఎం ఛాంబర్ కు వెళ్లిన హరీష్ రావు ఆయనతో దాదాపు పావుగంట సేపు చర్చలు జరిపారు. ఈ సందర్భంగా హరీష్ రావు నియోజకవర్గాలలో ప్రొటో కాల్ పాటించడం లేదని సీఎం దృష్టికి తీసుకువచ్చారు.
ఈ భేటీకి ముందు అసెంబ్లీలో హరీష్ రావు, రేవంత్ రెడ్డిల మధ్య వాడి వేడి చర్చ జరిగింది. ఆ సందరభంగా ఇరువురూ ఒకరిపై ఒకరు తీవ్ర విమర్శలు గుప్పించుకున్నారు. కాంగ్రెస్ ప్రభుత్వ వైఫల్యాలపై హరీష్ రావు విమర్శలు చేస్తే.. పదేళ్ల బీఆర్ఎస్ పాలనను రేవంత్ రెడ్డి దుయ్యబట్టారు. ఇది జరిగిన గంట వ్యవధిలోనే హరీష్ రావు సీఎం చాంబర్ కు వెళ్లి మరీ భేటీ కావడం ప్రాధాన్యత సంతరించుకుంది.
ALSO ON TELUGUONE N E W S
.webp)
మలయాళ సూపర్ స్టార్ మోహన్ లాల్(MOhanlal)అప్ కమింగ్ మూవీ L2 ఎంపురాన్(L2 empuraan).2019 లో బిగ్గెస్ట్ బ్లాక్ బస్టర్ గా నిలిచిన లూసిఫర్ కి రీమేక్ గా తెరకెక్కుతుండంతో అందరిలోను భారీ అంచనాలు ఉన్నాయి.మరో ప్రముఖ మలయాళ హీరో పృథ్వీరాజ్ సుకుమారన్(Prithviraj Sukumaran)దర్శకత్వంలో పాన్ ఇండియా స్థాయిలో ఈ నెల 27 న విడుదల కాబోతుంది.ఇటీవల రిలీజైన తెలుగు ట్రైలర్ ఒక రేంజ్ లో ఉండటంతో తెలుగు ప్రేక్షకులు కూడా L2కోసం ఎంతో ఆసక్తితో ఎదురుచూస్తున్నారు.
రిలీజ్ డేట్ దగ్గర పడేకొద్దీ L 2 ప్రమోషన్స్ ఊపందుకున్నాయి.వాటిల్లో మోహన్ లాల్,పృథ్వీ రాజ్ సుకుమారన్ పాల్గొని మూవీకి సంబంధించిన పలు విషయాలని ప్రేక్షకులతో పంచుకుంటున్నారు.ఈ సందర్భంగా రీసెంట్ గా జరిగిన ఒక ఇంటర్వ్యూ లో పృథ్వీ రాజ్ సుకుమారన్ మాట్లాడుతు మోహన్ లాల్ సర్ ఈ మూవీ కోసం చాలా కష్టపడ్డారు.ఆయన వల్లే ఈ సినిమా తెరకెక్కింది.ఒక దర్శకుడిగా నేను నిర్మాతల గురించి ఆలోచిస్తాను.దాంతో మనం తీసుకున్నప్రతి రూపాయికి న్యాయం చెయ్యాలనుకుంటాను.మోహన్ లాల్ సర్ ఒక్క రూపాయి రెమ్యునరేషన్ కూడా తీసుకోలేదు.ఆయన పారితోషకాన్ని కూడా ఈ సినిమా కోసమే ఖర్చుపెట్టాం.స్క్రీన్ పై ఆ విషయం స్పష్టంగా తెలుస్తుందని చెప్పుకొచ్చాడు.
మోహన్ లాల్ కూడా మాట్లాడుతు మలయాళ చిత్ర పరిశ్రమకి వచ్చి 47 ఏళ్ళు అవుతుంది. ప్రజల అభిమానంతోనే ఇన్నాళ్ల నుంచి పరిశ్రమలో ఉండగలుగుతున్నాను.మలయాళ భాష మీద అభిమానంతోనే వేరే భాషలో ఎక్కువ సినిమాలు చెయ్యాలనుకోలేదు.ఎంపురాన్ అందర్నీ అలరిస్తుందని చెప్పుకొచ్చాడు.
నిధి అగర్వాల్(Nidhhi Agerwal)ప్రస్తుతం పవన్ కళ్యాణ్(Pawan Kalyan,)ప్రభాస్(Prabhas)అప్ కమింగ్ ప్రాజెక్ట్స్ హరిహరవీరమల్లు(Hariharaveeramallu)ది రాజాసాబ్(The Raja saab)లో చేస్తున్న విషయం తెలిసిందే.ఈ రెండు చిత్రాల షూటింగ్ లలో ఒకేసారి పాల్గొంటు పరిశ్రమ దృష్టిని ఆకర్షించడమే కాకుండా,వైవిధ్యమైన పాత్రలని పోషిస్తు తన సత్తా చాటడానికి సిద్దమవుతుంది.దీంతో ఈ సారి నిధి టాలీవుడ్ నెంబర్ వన్ హీరోయిన్ గా నిలవడం ఖాయమనే నమ్మకాన్ని ఆమె అభిమానులు వ్యక్తం చేస్తున్నారు.
నిధి రీసెంట్ గా ఒక పాడ్ కాస్ట్ ఇంటర్వ్యూలో మాట్లాడుతు నా తొలి సినిమా'మున్నామైకేల్' లో 'టైగర్ ష్రఫ్'(Tiger Shroff)హీరో.మూవీ ఒప్పుకున్నాక షరతులతో కూడిన కాంట్రాక్టుపై మేకర్స్ సంతకం చేయించుకున్నారు.ఆ కాంటాక్ట్ లో ఉన్న షరుతుల్లో నో డేటింగ్ ఒకటి.మూవీ పూర్తయ్యేవరకు టైగర్ తో నేను డేటింగ్ చేయడానికి వీల్లేదు.డేటింగ్ చెయ్యడం వలన హీరో,హీరోయిన్ లు ప్రేమలో పడితే నటనపై దృష్టి పెట్టరని మేకర్స్ ఉదేశ్యమని చెప్పుకొచ్చింది.
ఇక నిధి అగర్వాల్ పై ప్రస్తుతం బెట్టింగ్ యాప్ కి ప్రమోషన్ చేసినందుకు గాను హైదరాబాద్(Hyderabad)పోలీసులు కేసు నమోదు చేసిన విషయం తెలిసిందే.ఈ కేసులో రాబోయే రోజుల్లో ఆమె విచారణకి కూడా హాజరయ్యే అవకాశముందనే వార్తలు వినిపిస్తున్నాయి.
బాలీవుడ్ బిగ్ బి అమితాబ్ బచ్చన్(Amitabh Bachchan)సతీమణి మాజీ నటి జయాబచ్చన్(Jaya bachchan)ఇటీవల కొంత మంది మీడియా ప్రతినిధులతో 2017 లో వచ్చిన 'టాయ్ లెట్ ఏక్ ప్రేమ్ కథ'(Toilet ek prem kada)మూవీ గురించి ఉద్దేశించి మాట్లాడుతు అసలు ఆ మూవీ టైటిల్ ఏంటి? అలాంటి టైటిల్ తో ఉన్న సినిమాలని చూడటానికి నేను ఏ మాత్రం ఇష్టపడను.రాజకీయ పార్టీలు ప్రచారం కోసం అలాంటి చిత్రాలని రూపొందిస్తాయి.ఇక్కడున్న వాళ్ళల్లో మీకే చాలా మందికి ఆ మూవీ నచ్చి ఉండదు.అదొక ప్లాప్ మూవీ అని చెప్పుకొచ్చింది.జయాబచ్చన్ మాట్లాడిన మాటలు బాలీవుడ్ సినీ సర్కిల్స్ లో హాట్ టాపిక్ గా కూడా మారాయి.
ఈ విషయంపై టాయ్ లెట్ ఏక్ ప్రేమ్ కథ నిర్మాతల్లో ఒకరైన'ప్రేరణా అరోరా'(Prerana Arora)మాట్లాడుతు జయాబచ్చన్ కి నేను వీరాభిమానిని, ఆమె నటించిన ఉపహార్,అభిమాన్, మిలి లాంటి చిత్రాలని ఎన్నిసార్లైనా చూడటానికి ఇష్టపడతాను.ఇప్పుడు ఆమె మా టాయిలెట్ చిత్రాన్ని ప్లాప్ అన్నారు.కానీ బాక్స్ ఆఫీస్ వసూళ్లు చూసుండాల్సింది.2017 లో విజయాన్ని అందుకున్న బిగ్గెస్ట్ హిట్ చిత్రాల్లో మా మూవీ కూడా ఒకటి.నిర్మాతగా ఎన్నో విభిన్నమైన చిత్రాలని నిర్మించుకుంటు వస్తున్నాను.అలాంటిది నా అభిమాన కథానాయిక నుంచి విమర్శలు రావడం చాలా బాధగా ఉంది.ఎంతో అలోచించి కథకి అనుగుణంగానే ఆ టైటిల్ ని నిర్ణయించామని చెప్పడం జరిగింది.
2017 లో అక్షయ్ కుమార్(Akshaykumar)భూమి ఫడ్నేకర్(Bhumi pednekar)జంటగా'టాయ్ లెట్ ఏక్ ప్రేమ్ కథ'ప్రేక్షకుల ముందుకు వచ్చింది.గ్రామీణ పాంత్రాల్లోని మరుగుదొడ్ల కొరతని ఎత్తి చూపడమే కాకుండా తన భార్య కోరిక మేరకు ఒక వ్యక్తి గ్రామంలో మరుగుదొడ్లు నిర్మించడానికి ఎలాంటి కృషి చేసాడనే లైన్ తో 70 కోట్ల భారీ బడ్జెట్ తో తెరకెక్కగా ప్రేక్షకుల ఆదరణతో 300 కోట్లు దాకా వసూలు చేసింది.వయాకామ్ 18 స్టూడియోస్,క్రియార్జ్ ఎంట‌ర్‌టైన్‌మెంట్,ఫ్రైడే ఫిలిం వర్క్స్, ప్లాన్ సీ స్టూడియోస్, కేప్ అఫ్ గుడ్ ఫిలిమ్స్ ఎల్.ఎల్.పి బ్యానర్ల పై అరుణ భాటియా,విక్రమ్ మల్హోత్రా, శీతల్ భాటియా, నీరజ్ పాండే, ప్రేరణా అరోరా(Prerana Arora)అర్జున్ ఏన్. కపూర్ నిర్మించగా శ్రీ నారాయణ్‌ సింగ్(Sri NarayanSingh)దర్శకత్వం వహించాడు.
ప్రస్తుతం తెలంగాణలో హాట్ టాపిక్ ఏమిటంటే.. బెట్టింగ్ యాప్స్‌. వీటిని ప్రమోట్‌ చేస్తున్న వారిపై వరసగా కేసులు నమోదు చేస్తున్నారు. పంజాగుట్ట పోలీస్ స్టేషన్‌లో ఇప్పటికే 35కిపైగా కేసులు నమోదయ్యాయి. వారందరికీ నోటీసులు జారీచేసి విచారణకు రావాల్సిందిగా ఆదేశిస్తున్నారు. కొందరు విచారణకు హాజరు కాగా, హర్షసాయి, ఇమ్రాన్‌ ఖాన్‌.. తమపై కేసు నమోదైన వెంటనే దుబాయ్ చెక్కేశారు. ఈ కేసు బారిన పడిన వారు రకరకాల కథనాలు చెప్తున్నారు. కొందరు తెలియక చేశామని, మరికొందరు అన్నీ చట్టబద్దంగా ఉన్నాయి కాబట్టే ప్రమోట్‌ చేశామని అంటున్నారు. మరికొందరు తప్పు చేసి కూడా మీడియా అడుగుతున్న ప్రశ్నలకు ఎదురు సమాధానాలు చెప్తూ బుకాయిస్తున్నారు.
ఇదిలా ఉంటే.. యాంకర్‌ శ్యామల ఇప్పుడు ఏపీలో కీలక వ్యక్తి అనే విషయం అందరికీ తెలిసిందే. వైసీపీ అధికార ప్రతినిధి హోదాలో ఉన్న ఆమె అంతకుముందు బెట్టింగ్ యాప్‌లకు సంబంధించిన ఒక వీడియో చేసిందనే అభియోగంపై ఆమెకు నోటీసులు జారీ చేశారు. దాంతో శ్యామల హైకోర్టును ఆశ్రయించింది. తనపై ఉన్న కేసును కొట్టివేయాలంటూ క్వాష్‌ పిటిషన్‌ వేసింది. దీనిపై విచారణ జరిపిన హై కోర్టు ఆమెను అరెస్ట్ చేయవద్దంటూ పోలీసులకు ఆదేశాలు జారీ చేసింది. అయితే ఆమెకు నోటీసులు ఇచ్చి విచారణ కొనసాగించమని పోలీసులకు సూచించింది. హైకోర్టు నుంచి శ్యామలకు ఊరట లభించినప్పటికీ సోమవారం నుంచి విచారణలో భాగంగా పోలీసుల ఎదుట హాజరు కావాలని, వారికి సహకరించాలని శ్యామలకు కూడా సూచనలు అందించింది హైకోర్టు.
పోలీసులుగానీ, ప్రభుత్వంగానీ అవినీతికి సంబంధించి ఏదైనా చర్యలు తీసుకోవాలంటే.. ఏదైనా ఉపద్రవం జరగాలి, ఎంతో మంది ప్రాణాలు కోల్పోవాలి. అప్పుడుగానీ రంగంలోకి దిగరు. ఇప్పుడు బెట్టింగ్ యాప్‌ల విషయంలో కూడా వారి ధోరణి అలాగే వుంది. గత కొన్ని సంవత్సరాలుగా బెట్టింగ్ యాప్‌ల వలలో పడి ఎంతో నష్టపోయారు. ఎంతో మంది ఆత్మహత్య చేసుకున్నారు. ఇప్పుడు బెట్టింగ్ యాప్‌ల ప్రమోషన్ అనే అంశం వెలుగులోకి వచ్చిన తర్వాత ఆత్మహత్యకు పాల్పడినవారి కేసులన్నీ బయటికి తీస్తున్నారు. ఈ సంవత్సరం బెట్టింగ్ యాప్‌ల వల్ల 15 మంది ఆత్మహత్య చేసుకున్నారు. వారి ఆత్మహత్యలకు బెట్టింగే కారణమా అనే కోణంలో విచారిస్తున్నారు. ఇప్పటికే కొన్ని యాప్‌లను గుర్తించి వాటి నిర్వాహకులను కూడా నిందితులుగా చేర్చి విచారిస్తున్నారు. గత కొన్ని రోజులుగా తెలంగాణ రాష్ట్రవ్యాప్తంగా పెద్ద చర్చనీయాంశంగా మారిన బెట్టింగ్ యాప్‌ల విషయాన్ని ఆంధ్రప్రదేశ్‌ ప్రభుత్వం కూడా పరిశీలించాలని కోరుతున్నారు. అక్కడ కూడా ఎంతో మంది ఆత్మహత్యలకు పాల్పడ్డారని, ఈ యాప్‌లను ప్రమోట్‌ చేసేవారు అక్కడ కూడా ఉన్నారని, వాళ్ళపై కూడా కేసులు నమోదు చేయాలని నెటిజన్లు కోరుతున్నారు.
.webp)
విజయ్ దేవరకొండ(VIjay Devarakonda)ఫస్ట్ బ్లాక్ బస్టర్ అర్జున్ రెడ్డి ద్వారా తెలుగు సినీ పరిశ్రమకి పరిచయమైన భామ షాలిని పాండే(Shalini Pandey)మొదటి సినిమాతోనే తెలుగు ప్రేక్షకుల హృదయాల్ని కొల్లగొట్టిన షాలిని ప్రస్తుతం హిందీలో బిజీగా ఉంది.రీసెంట్ గా 'డబ్బా కార్టెల్‌' అనే వెబ్ సిరీస్ లో చేసి తన నటనలో ఉన్న కొత్త కోణాన్ని ప్రేక్షకులకి పరిచయం చేసింది.
'డబ్బాకార్టెల్‌' ప్రమోషన్స్ లో భాగంగా షాలినీ పాండే ఒక ఇంటర్వ్యూలో మాట్లాడుతు ''కెరీర్ స్టార్టింగ్ లో సౌత్(SOuth)లో ఒక మూవీ చేస్తున్నప్పుడు షాట్ గ్యాప్ లో కారవాన్‌లో నేను డ్రెస్ చేంజ్ చేసుకుంటున్నాను.అంతలో ఒక డైరెక్టర్ నా పర్మిషన్‌ లేకుండానే కారవాన్ డోర్ తీశాడు. కోపంతో నేను కేకలు వేయడం స్టార్ట్ చేయగానే వెంటనే అక్కడ నుంచి వెళ్లిపోయాడు.ఆ విధంగా కోప్పడటం కరెక్ట్ కాదని చుట్టూ ఉన్న వాళ్లు అన్నారు.నాకు మాత్రం నేను చేసింది తప్పు అనిపించలేదు.ఆ తర్వాత నాకెప్పుడు అటువంటి ఇన్సిడెంట్స్ ఎదురుకాలేదు. ఒకవేళ ఇప్పుడు ఎదురైనా కోప్పడకుండా వారికి ఏవిధంగా జవాబు చెప్పాలో తెలుసుకున్నాను.
ఫేస్‌బుక్‌లో నా ఫొటోలు దర్శకుడు సందీప్ రెడ్డి వంగా(Sandeepreddy Vanga)కి నచ్చడంతో 'అర్జున్ రెడ్డి' తో హీరోయిన్ గా పరిచయమయ్యా.అప్పట్నుంచి కొనసాగుతున నా జర్నీలో నా అభిప్రాయాలను గౌరవించి దర్శక నిర్మాతలతో పాటు ఆర్టిస్ట్స్ ఎంతో సపోర్ట్‌గా నిలిచారని చెప్పుకొచ్చింది.మధ్యప్రదేశ్(Madhya Pradesh)లోని జబల్పూర్ షాలిని పాండే స్వస్థలం.ఇంజనీరింగ్ చదివిన షాలిని నటనపై ఆసక్తితో మొదట్లో అనేక స్టేజ్ షో లు కూడా చేసింది.
Cast: Aadi Saikumar, Avika Gor, Aditya Om, Ariyana, Chitram Srinu
Crew:
Cinematography by R.R. Vishnu
Music by Ravi Basrur
Editing by MA Mallik
Direction by Shanmugam Sappani
Produced by Thulasi Ram Sappani
Aadi Saikumar, one of the talented young actors of Telugu Cinema, has been trying his hand out at different films and now, he came up with a supernatural thriller, Shanmukha. The movie released on 21st March with Adithya Om and Avika Gor in leading roles. Let's discuss about it in detail.
Plot:
Viganda (Chirag Ali)'s new born has six faces like his uncle and unable to bear his disfigured apperance, he plans to use every tantric trick in the book to change those six to one. A sorcerer tells him that if he gives human sacrifices of six beautiful women born in different nakshatras and also bring blood of Goddess Klin Klara, then his wish will come true.
Hence, he starts finding women and killing them. The mysterious deaths of women grabs the attention of journalism student Sara (Avika Gor) and she starts to follow the case and the investigation officer Karthi (Aadi Saikumar) closely. Do they solve the mystery and stop Viganda? How? Watch the movie to know more.
Analysis:
Aadi Saikumar is good in the Police Officer role and his performance is fine for the story. Avika Gor looked beautiful and has a very big twist in her character, which she handled well. Adithya Om, showcased his talent with a good performance and his experience has come in handy to pull off a typical character. All others did well.
The storyline is different and director has come up with an unique screenplay to take us through. Some elements in the story take us back to Jagadeeka Veerudu Athiloka Sundari but the narrative is structured very differently from it. Even visually, the team did their best to pull off such unique storyline.
VFX could have been better and writing could have been in few sequences. But the interesting storyline keeps us hooked through out and Ravi Basrur music also elevates different sequences. We can call the movie a good attempt and watch it for a different experience.
In Conclusion:
The unique storyline is the major USP of this thriller.
Rating: 2.5/5
.webp)
ఇటీవలికాలంలో బెట్టింగ్ యాప్‌ల ప్రమోషన్‌పై ఎడిజిపి వి.సి.సజ్జనార్‌ లేవనెత్తిన అంశం పెద్ద దుమారం రేపింది. ప్రజల ప్రాణాలతో చెలగాటం ఆడుతున్న బెట్టింగ్ యాప్‌లను ప్రమోట్‌ చేస్తున్న సినీ ప్రముఖులు, యూట్యూబ్‌ ఇన్‌ఫ్లుయెన్సర్లపై కఠిన చర్యలు తీసుకునేందుకు ముందుకు వచ్చింది. ఈ క్రమంలో ఇప్పటికే ఎంతోమంది బెట్టింగ్ ప్రమోటర్లపై కేసులు నమోదయ్యాయి. ఇందులో కొందరు సినీ ప్రముఖులు, కొందరు టీవీ షోల ద్వారా ప్రాచుర్యం పొందినవారు, మరికొందరు యూ ట్యూబ్‌ ఇన్‌ఫ్లుయెన్సర్లు ఉన్నారు. ప్రస్తుతం చర్చనీయాంశంగా మారిన ఈ అంశంపై సిపిఐ జాతీయ కార్యదర్శి నారాయణ తన ఆగ్రహాన్ని వ్యక్తం చేశారు.
న్యూ ఢల్లీిలోని ఆంధ్రా భవన్‌ వద్ద నిర్వహించిన మీడియా సమావేశంలో నారాయణ మాట్లాడుతూ ‘యువతను పెడదోవ పట్టించే బెట్టింగ్ యాప్‌లను ప్రమోట్‌ చెయ్యకండి. డబ్బు కోసం ఇలాంటి ప్రకటనలు చేయకండి. పవిత్రమైన కళామతల్లిని సమాజ అభివృద్ది కోసం వినియోగించాలి. సినీ పరిశ్రమ ద్వారా వచ్చిన ఖ్యాతిని అడ్డం పెట్టుకొని డబ్బు సంపాదన వ్యామోహంతో అనైతిక చర్యలకు పాల్పడడం తీవ్రమైన పరిణామం. బెట్టింగ్ యాప్‌లను ప్రమోట్‌ చేయడం ద్వారా యువత జీవితాలను నాశనం చేస్తున్నారు. గతంలో అల్లూరి రామలింగయ్య వంటివారు కళను సమాజ అభివృద్ధికి ఉపయోగించారనే విషయం గుర్తుంచుకోవాలి. తమకు తెలియకుండానే బెట్టింగ్ యాప్‌లను ప్రమోట్‌ చేశామని కొందరు చెబుతుంటే.. చట్టపరంగా అవకాశం ఉంది కాబట్టి చేశామని కొందరు చెప్పడం సరికాదు. ప్రజల్లో మీకు ఉన్న పాపులారిటీ వల్ల మీరు ప్రమోట్‌ చేసే వాటిని ఎంతో సులభంగా నమ్మి మోసపోతున్న విషయాన్ని మీరు గుర్తించాలి. బెట్టింగ్ యాప్‌ల వల్ల వేలాది మంది యువత బలవుతున్న ఘటనలు వెలుగులోకి వస్తున్నప్పటికీ ఇంకా వాటిని ప్రమోట్‌ చేయడం చాలా పెద్ద నేరం. దీనిపై ప్రభుత్వం కఠిన చర్యలు తీసుకోవాల్సిన అవసరం ఉంది. బెట్టింగ్ యాప్‌లే కాదు, గుట్కా, పాన్ మసాలా, తప్పుడు పద్ధతుల్లో సాగే రియల్‌ ఎస్టేట్‌, మోసపూరిత బంగారు వ్యాపారాల ప్రకటనల్లో కూడా సినీ ప్రముఖులు నటించడం ద్వారా సమాజానికి ఎంతో కీడు చేస్తున్నారు. గతంలో కోకో కోలా కంపెనీ యాడ్‌ చేసిన తరుణంలో నేను చేసిన వ్యాఖ్యలకు సినీ హీరో చిరంజీవి స్పందించి ఇకపై అటువంటి యాడ్‌లు చేయనని ప్రకటించిన విషయం మీకు తెలుసు. చట్టాల్లో లొసుగులు ఉంటాయని అందరికీ తెలుసు. అమెరికా అధ్యక్షుడు ట్రంప్‌ తాను చట్టంలోని లొసుగుల ఆధారంగానే అనేక కేసుల నుంచి తప్పించుకున్నానని చెప్పారు. మన దేశం విషయానికి వస్తే.. గుట్కా కూడా ఆహర పదార్థమే అని ఒక న్యాయమూర్తి తీర్పు ఇచ్చిన విషయం కూడా మనకు తెలుసు. ఏది ఏమైనా డబ్బు కన్నా నైతికత చాలా ముఖ్యం అని తెలుసుకోవాలి. ఇకనైనా సమాజానికి హాని చేసే అన్ని వ్యాపార ప్రకటనలకు సినిమా పరిశ్రమ దూరంగా ఉండాలి’ అన్నారు.
తారాగణం: హర్ష్‌ రోషన్‌, కార్తికేయ దేవ్‌, స్టీవెన్ మధు, శాన్వీ మేఘన, నిహాల్‌ కోధాటి తదితరులు
సినిమాటోగ్రఫీ: కార్తీక్‌ సాయి కుమార్
సంగీతం: సంతు ఓంకార్‌
ఎడిటర్‌: అశ్వత్‌ శివకుమార్‌
దర్శకత్వం: సుప్రీత్ కృష్ణ
నిర్మాత: రాహుల్ రెడ్డి, శ్రీ వరుణ్, శ్రీరాములు రెడ్డి
బ్యానర్: చిత్రవాహిని ప్రొడక్షన్స్, ఆర్.వై.జి. సినిమాస్
విడుదల తేదీ: మార్చి 21, 2025
హర్ష్‌ రోషన్‌, కార్తికేయ దేవ్‌, స్టీవెన్ మధు, శాన్వీ మేఘన ప్రధాన పాత్రలు పోషించిన చిత్రం 'టుక్ టుక్'. సుప్రీత్ కృష్ణ దర్శకత్వంలో రూపొందిన ఈ సినిమా నేడు ప్రేక్షకుల ముందుకు వచ్చింది. ప్రచార చిత్రాలతో ప్రేక్షకుల దృష్టిని ఆకర్షించిన ఈ 'టుక్ టుక్' చిత్రం ఎలా ఉంది అనేది రివ్యూలో తెలుసుకుందాం. (Tuk Tuk Movie Review)
కథ:
చిత్తూరు జిల్లాలోని ఓ గ్రామంలో యుక్త వయసులో ఉన్న ముగ్గురు కుర్రాళ్ళు (హర్ష్‌ రోషన్‌, కార్తికేయ దేవ్‌, స్టీవెన్ మధు) సరదాగా జీవితాన్ని గడిపేస్తుంటారు. వీడియోలు షూట్ చేసి డబ్బులు సంపాదించాలనుకున్న ఆ కుర్రాళ్ళు.. అందు కోసం మంచి కెమెరా కొనాలి అనుకుంటారు. కానీ, కెమెరా కొనడానికి డబ్బులు లేకపోవడంతో.. చందాల ద్వారా డబ్బు వస్తుందనే ఆశతో వినాయకుడి విగ్రహం పెట్టి వేడుక చేస్తారు. అయితే వారు పెట్టిన వినాయక విగ్రహ నిమజ్జనానికి వాహనం దొరకదు. దాంతో మూలన పడి ఉన్న పాత చేతక్‌ స్కూటర్ ను రిపేర్ చేయిస్తారు. దానికి టుక్ టుక్ అని పేరు పెట్టి, వినాయకుడిని దానిపైనే ఊరేగించి నిమజ్జనం చేస్తారు. అయితే ఆ స్కూటర్ లో అదృశ్య శక్తి ఉంటుంది. ఆ స్కూటర్ వచ్చిన తర్వాత ముగ్గురు జీవితాలు ఊహించని మలుపులు తిరుగుతాయి. అసలు ఆ స్కూటర్ లో ఉన్నది ఏంటి? ఆ స్కూటర్ కి, శిల్ప(శాన్వీ మేఘన)కు సంబంధం ఏంటి? చివరికి ఏం జరిగింది? అనేది సినిమా చూసి తెలుసుకోవాలి.
విశ్లేషణ:
వాహనాల చుట్టూ అల్లుకున్న కథలతో గతంలో తెలుగులో కొన్ని సినిమాలు వచ్చాయి. టుక్ టుక్ కూడా స్కూటర్ చుట్టూ అల్లుకున్న కథే అయినప్పటికీ.. అవును, కాదు అనే సైగలతో ఆ స్కూటర్ తో సమాధానాలు చెప్పించడం కాస్త కొత్తగా ఉంది. ముగ్గురు కుర్రాళ్ళ హంగామా, డబ్బు కోసం వారు పాత స్కూటర్ ను రిపేర్ చేయించడం, ఆ స్కూటర్ ద్వారా వారు డబ్బు సంపాదించే సన్నివేశాలతో సినిమా ప్రారంభమైన తీరు బాగుంది. స్కూటర్ లో ఆత్మ ఉందని తెలిశాక.. ఆ కుర్రాళ్ళ భయపడే సన్నివేశాలు నవ్వులు పూయిస్తాయి. అదే సమయంలో అసలు ఆ ఆత్మ ఎవరిది? ఆ వాహనంలో ఎందుకు ఉంది? ఆత్మ అని తెలిశాక ఆ కుర్రాళ్ళు ఏం చేశారు? అనే ఆసక్తిని రేకెత్తిస్తూ కథ నడుస్తుంది. ఫస్ట్ హాఫ్ సరదా సరదాగా సాగిపోతుంది. సెకండ్ హాఫ్ లో మాత్రం బలమైన ఎమోషన్స్ ఉన్నాయి. పతాక సన్నివేశాలు ఆకట్టుకున్నాయి. అలాగే ఈ సినిమాలో మంచి సందేశం కూడా ఉంది. అయితే ఈ సినిమా కాన్సెప్ట్ విజయ్ దేవరకొండ నటించిన 'టాక్సీవాలా' కథకి కాస్త దగ్గరగా ఉంటుంది. అలాగే కొన్ని సన్నివేశాలు లాజిక్ లెస్ గా, సాగతీతగా ఉంటాయి. అవి పక్కన పెడితే 'టుక్ టుక్' బాగానే మెప్పించింది. ఇక ఈ సినిమాకి సీక్వెల్ ఉండటం కొసమెరుపు.
నటీనటులు, సాంకేతిక నిపుణుల పనితీరు:
హుషారైన కుర్రాళ్ళ పాత్రలలో హర్ష్‌ రోషన్‌, కార్తికేయ దేవ్‌, స్టీవెన్ మధు అంతే హుషారుగా నటించారు. శాన్వీ కూడా ఎమోషనల్ సన్నివేశాల్లో చక్కగా నటించి, సినిమాకి బలంగా నిలిచింది. మిగతా నటీనటులు పాత్రల పరిధి మేరకు నటించారు.
టెక్నికల్‌ గా సినిమా ఉన్నతంగా ఉంది. ముఖ్యంగా కార్తీక్‌ సాయి కుమార్ కెమెరా వర్క్‌, సంతు ఓంకార్‌ సంగీతం హైలైట్‌ గా నిలిచాయి. ఎడిటింగ్ పరవాలేదు. సంభాషణలు ఆకట్టుకున్నాయి. నిర్మాణ విలువలు సినిమా స్థాయికి తగ్గట్టుగా ఉన్నాయి.
ఫైనల్ గా..
హాస్యం, ప్రేమ, భావోద్వేగాల మేళవింపుతో రూపొందిన 'టుక్ టుక్' ప్రయాణం దాదాపు సాఫీగానే సాగింది.
రేటింగ్: 2.5/5
'దసరా' వంటి బ్లాక్ బస్టర్ తర్వాత హీరో నాని, దర్శకుడు శ్రీకాంత్ ఓదెల కాంబినేషన్ లో రానున్న మూవీ 'ది ప్యారడైజ్'. ఇటీవల విడుదలైన 'ప్యారడైజ్' గ్లింప్స్ కి సూపర్ రెస్పాన్స్ వచ్చింది. అలాగే, ఈ సినిమాని 2026 మార్చి 26న విడుదల చేయనున్నట్లు ఇప్పటికే మేకర్స్ ప్రకటించారు. అయితే ఏ ముహూర్తాన ఈ రిలీజ్ ని ఫిక్స్ చేశారో కానీ.. ఈ డేట్ పై మిగతా స్టార్స్ కన్నేస్తున్నారు. (The Paradise)
జూనియర్ ఎన్టీఆర్, ప్రశాంత్ నీల్ కాంబోలో మైత్రి మూవీ మేకర్స్ నిర్మిస్తున్న మూవీ 'డ్రాగన్'. ఇటీవల ఈ చిత్ర షూటింగ్ ప్రారంభమైంది. 'డ్రాగన్' సినిమాని సంక్రాంతి కానుకగా 2026 జనవరి 9న విడుదల చేయనున్నట్లు గతంలో ప్రకటించారు. అయితే షూటింగ్ ఆలస్యంగా మొదలు కావడంతో.. ఈ సినిమాని 2026 మార్చి 26న విడుదల చేయడానికి సన్నాహాలు చేస్తున్నట్లు ఇటీవల వార్తలొచ్చాయి. అదే జరిగితే నానికి కష్టాలు తప్పవనే అభిప్రాయాలు వ్యక్తమయ్యాయి. అది చాలదు అన్నట్టు, ఇప్పుడు మరో సినిమా మార్చి 26 తేదీపై కన్నేసినట్లు తెలుస్తోంది. (NTR Dragon)
రామ్ చరణ్ తన 16వ సినిమాని బుచ్చిబాబు దర్శకత్వంలో చేస్తున్న విషయం తెలిసిందే. వృద్ధి సినిమాస్ నిర్మిస్తున్న ఈ మూవీ షూటింగ్ జెట్ స్పీడ్ లో జరుగుతోంది. ఈ సినిమాని 2026 వేసవికి తీసుకొచ్చేలా ప్లాన్ చేస్తున్నారు. అంతేకాదు 2026 మార్చి 26 డేట్ ని లాక్ చేయాలని చూస్తున్నారట. ఎందుకంటే మార్చి 27 రామ్ చరణ్ పుట్టినరోజు. ఆయన బర్త్ డే కానుకగా ఒకరోజు ముందు సినిమాని విడుదల చేయాలని మేకర్స్ ప్లాన్ చేస్తున్నారట. (RC 16)
డ్రాగన్, RC16 రెండూ భారీ సినిమాలే. అలాంటిది ఈ రెండు సినిమాలు.. 'ప్యారడైజ్' రిలీజ్ డేట్ పై కన్నేయడం నానికి బిగ్ షాక్ అని చెప్పవచ్చు. ఆ రెండూ ఒకేసారి విడుదలైతే.. తన సినిమాని వాయిదా వేసుకోవడం తప్ప నానికి మరో ఆప్షన్ ఉండదు. ఎందుకంటే.. ఎన్టీఆర్, చరణ్ సినిమాలు ఒకేసారి విడుదలైతే బాక్సాఫీస్ దగ్గర హోరాహోరీ పోరు ఉంటుంది. ఆ సమయంలో ప్రేక్షకులు ఇతర సినిమాలను పట్టించుకునే పరిస్థితి ఉండదు. పోనీ ఈ రెండూ సినిమాల్లో ఏదో ఒక్కటే విడుదలైనా కూడా.. థియేటర్ల పరంగా, కలెక్షన్ల పరంగా ప్యారడైజ్ తీవ్ర ప్రభావం ఎదుర్కోక తప్పదు. ఈ లెక్కన నాని తన సినిమాని పోస్ట్ పోన్ చేసుకునే అవకాశాలే ఎక్కువగా ఉన్నాయి.
'పుష్ప-2'తో సంచలనం సృష్టించిన ఐకాన్ స్టార్ అల్లు అర్జున్ (Allu Arjun) తదుపరి సినిమాపై అందరిలో ఆసక్తి నెలకొంది. నిజానికి త్రివిక్రమ్ దర్శకత్వంలో బన్నీ ఒక సినిమా చేయాల్సి ఉంది. కానీ, దాని కంటే ముందు.. కోలీవుడ్ డైరెక్టర్ అట్లీ ప్రాజెక్ట్ ని మొదలు పెట్టాలని చూస్తున్నాడు.
బన్నీ-అట్లీ కాంబినేషన్ ఫిల్మ్ ని సన్ పిక్చర్స్ నిర్మించనుంది. అయితే బడ్జెట్ ఏకంగా రూ.600 కోట్లు కావడంతో ఈ ప్రాజెక్ట్ నుంచి సన్ పిక్చర్స్ తప్పుకున్నట్లు వార్తలొచ్చాయి. ఈ ప్రాజెక్ట్ దిల్ రాజు లేదా ఇతర నిర్మాత చేతిలోకి వెళ్ళే ఛాన్స్ ఉందని ప్రచారం జరిగింది. అయితే ఈ వార్తల్లో నిజం లేదని తెలుస్తోంది.
అల్లు అర్జున్, అట్లీ కాంబో మూవీ సన్ పిక్చర్స్ బ్యానర్ లోనే రూపొందనుందట. ప్రస్తుతం బన్నీ, అట్లీ దుబాయ్ లో స్టోరీ సిట్టింగ్స్ లో ఉన్నారని, ఇంకో రెండు వారాలు అక్కడే ఉంటారని సమాచారం. అల్లు అర్జున్ పుట్టినరోజు సందర్భంగా ఏప్రిల్ 8న ఈ సినిమాని అధికారికంగా ప్రకటించే అవకాశముంది.
అట్లీ ప్రాజెక్ట్ ని వేగంగా సగానికి పైగా షూటింగ్ పూర్తి చేసి, ఆ తర్వాత పారలల్ గా త్రివిక్రమ్ ప్రాజెక్ట్ ని పట్టాలెక్కించాలనే ఆలోచనలో బన్నీ ఉన్నట్టు వినికిడి.
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధగా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి పడి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద పడి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్‌, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్‌, ఎంపీ అరవింద్‌ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్‌ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్‌, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
.webp)
ఎసిడిటీ చాలా మందిని ఇబ్బంది పెట్టే సాధారణ సమస్య. బాగా వయసైన వారు ఆహారం సరిగా జీర్ణం అవ్వక ఎసిడిటీ బారిన పడేవారు. కానీ ఆహారం, జీవనశైలి మార్పుల వల్ల ఇప్పట్లో చిన్న వయసు వారిలో కూడా ఎసిడిటీ సమస్యలు కామన్ అయిపోయాయి. తరచుగా ఎసిడిటీతో బాధపడుతూ దాని నుండి ఉపశమనం పొందకపోతే, ఆహారపు అలవాట్లలో కొన్ని ముఖ్యమైన మార్పులు చేసుకోవడం ద్వారా ఈ సమస్య నుండి బయటపడవచ్చు. ఎసిడిటీ సాధారణంగా తప్పుడు ఆహారపు అలవాట్లు, ఒత్తిడి, జీవనశైలి సరిగా లేకపోవడం వల్ల వస్తుంది. ఆహారపు అలవాట్లను మెరుగుపరచుకోవడం ద్వారా కడుపులో యాసిడ్లను కంట్రోల్ చేయవచ్చు. ఈ సమస్యను తగ్గించడంలో సహాయపడే కొన్ని ప్రభావవంతమైన చిట్కాలు తెలుసుకుంటే..
ఆహారపు అలవాట్లలో చేసుకోవాల్సిన మార్పులు ..
భోజనం షెడ్యూల్ చేసుకోవాలి. ప్రతిరోజూ ఒకే సమయంలో భోజనం చేయాలి. ఎక్కువసేపు ఆకలితో ఉండకూడదు. రోజులో చిన్న చిన్న మొత్తాలలో భోజనం తినాలి (ప్రతి 2-3 గంటలకు తేలికపాటి ఆహారం తినాలి). భారీ ఆహారాలు, వేయించిన ఆహారాలకు దూరంగా ఉండాలి.
ఎక్కువ కారంగా, వేయించిన, నూనెతో కూడిన ఆహారం ఎసిడిటీని పెంచుతుంది. బదులుగా, తేలికైన, ఉడికించిన, తక్కువ కారంగా ఉండే ఆహారాన్ని తినాలి.
కెఫిన్, శీతల పానీయాలకు దూరంగా ఉండాలి. టీ, కాఫీ, శీతల పానీయాలు, సోడా వంటి వాటికి దూరంగా ఉండాలి. బదులుగా, హెర్బల్ టీ లేదా గోరువెచ్చని నీరు త్రాగాలి.
తిన్న వెంటనే పడుకోకూడదు. భోజనం తర్వాత కనీసం 30-40 నిమిషాలు నిటారుగా కూర్చోవాలి. పడుకోవడం వల్ల కడుపులో ఆమ్లం పెరుగుతుంది, ఇది ఆమ్లత్వాన్ని పెంచుతుంది.
ఫైబర్ అధికంగా ఉండే ఆహారాన్ని బాగా తీసుకోవాలి. ఆకుపచ్చ కూరగాయలు, పండ్లు, తృణధాన్యాలు, సలాడ్లు తినాలి. ఫైబర్ జీర్ణక్రియను మెరుగుపరుస్తుంది, ఆమ్లత్వం నుండి ఉపశమనం కలిగిస్తుంది.
ఆహారంలో ఆల్కలీన్ ఆహారాలను చేర్చుకోవాలి. అరటిపండు, దోసకాయ, పుచ్చకాయ, కొబ్బరి నీళ్లు, బొప్పాయి వంటి పండ్లు ఎసిడిటీని తగ్గించడంలో సహాయపడతాయి. ఇవి కడుపులోని ఆమ్లాన్ని సమతుల్యం చేసి జీర్ణక్రియను సులభతరం చేస్తాయి.
నీటి త్రాగడం పెంచాలి. రోజంతా కనీసం 8-10 గ్లాసుల నీరు త్రాగాలి. నీరు శరీరం నుండి విషాన్ని బయటకు పంపడం ద్వారా ఆమ్లతను తగ్గిస్తుంది.
అల్లం, తులసి తీసుకోవాలి. అల్లం, తులసి ఆకులను తీసుకోవడం వల్ల ఆమ్లత్వం నుండి ఉపశమనం లభిస్తుంది. అల్లం యాంటీ ఇన్ఫ్లమేటరీ లక్షణాలను కలిగి ఉంటుంది, ఇది జీర్ణవ్యవస్థను ఉపశమనం చేస్తుంది.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...
భారతీయ వంటలలో సొరకాయది చాలా ప్రత్యేక స్థానం. ఎక్కువ మందికి వండాలంటే గుమ్మడి, సొరకాయ, క్యాబేజీ వంటి బరువైన కూరగాయలను వంటకు వినియోగిస్తుంటారు. చాలామంది సొరకాయను ఇంటికి తెచ్చుకుని వండుకోవడానికి పెద్దగా ఇష్టపడరు. కానీ ఖద్దూ కా ఖీర్, హల్వా.. అంటే సొరకాయ పాయసం, సొరకాయ హల్వా.. వంటివి మాత్రం చాలా ఫేమస్ కూడా అయ్యాయి. సొరకాయ అంటే ఇష్టపడని వారు కూడా సొరకాయ వల్ల కలిగే ఆరోగ్య ప్రయోజనాలు తెలిస్తే ఇకమీదట తినడానికి ఆసక్తి చూపిస్తారు. అసలు సోరకాయలో పోషకాలు ఏంటి? సొరకాయ తినడం వల్ల కలిగే లాభాలు ఏంటి తెలుసుకుంటే..
సొరకాయలో కేలరీలు తక్కువగా, ఫైబర్, అవసరమైన పోషకాలు ఎక్కువగా ఉంటాయి. ఇది గుండె ఆరోగ్యానికి, రక్తంలో చక్కెర నియంత్రణకు మద్దతు ఇస్తుంది. అయితే సొరకాయ వల్ల అనేక ప్రయోజనాలు ఉన్నప్పటికీ, దీనిని అందరూ తినే అవకాశం లేదని కూడా అంటున్నారు ఆహార వైద్యులు. సొరకాయ తినడం వల్ల కలిగే ప్రయోజనాలు, నష్టాలు రెండింటిని అర్థం చేసుకోవడం చాలా ముఖ్యం.
శరీరాన్ని హైడ్రేటెడ్ గా ఉంచుతుంది..
సొరకాయ 90 శాతం కంటే ఎక్కువ నీరు కలిగి ఉంటుంది. ఇది హైడ్రేషన్‌ను నిర్వహించడానికి ఒక మంచి ఎంపిక . ఇది శరీర ఉష్ణోగ్రతను నియంత్రించడంలో, కోల్పోయిన ఎలక్ట్రోలైట్‌లను తిరిగి నింపడంలో సహాయపడుతుంది. వేసవిలో దీనిని తీసుకోవడం చాలా మంచిది. ఇది శరీరాన్ని చల్లబరుస్తుంది.
జీర్ణక్రియ, ప్రేగు ఆరోగ్యానికి మద్దతు ఇస్తుంది..
సొరకాయ ఫైబర్ కు గొప్ప మూలం. ఇది ప్రేగు కదలికలను నియంత్రించడంలో, మలబద్ధకాన్ని నివారించడంలో, ఉబ్బరాన్ని తగ్గించడంలో సహాయపడుతుంది. ఇది ఆరోగ్యకరమైన గట్ మైక్రోబయోమ్‌ను కూడా ప్రోత్సహిస్తుంది. జీర్ణక్రియకు సహాయపడుతుంది, కడుపుల యాసిడ్ రిఫ్లెక్షన్ ను తగ్గిస్తుంది.
రక్తంలో చక్కెర స్థాయిలను నియంత్రిస్తుంది..
సొరకాయ తక్కువ గ్లైసెమిక్ ఇండెక్స్ (GI) కలిగి ఉంటుంది. ఇది మధుమేహ వ్యాధిగ్రస్తులకు గొప్ప ఎంపిక. ఇందులో ఉండే కరిగే ఫైబర్ గ్లూకోజ్ శోషణను నెమ్మదిస్తుంది. రక్తంలో చక్కెర స్థాయిలు ఆకస్మాత్తుగా హెచ్చుతగ్గులు కావడాన్ని నివారిస్తుంది.
బరువు తగ్గడంలో సహాయపడుతుంది..
సొరకాయలో తక్కువ కేలరీలు, అధిక ఫైబర్ ఉండటం వల్ల ఇది సహజంగా బరువు తగ్గించే ఆహారంగా మారుతుంది. "బరువు తగ్గాలనుకునే వారికి ఇది ఒక గొప్ప ఎంపిక. ఎందుకంటే సొరకాయను ఏ రూపంలో తీసుకున్నా ఇది ఎక్కువ సేపు కడుపు నిండుగా ఉన్న ఫీల్ ఇస్తుంది.
గుండె ఆరోగ్యానికి మద్దతు ఇస్తుంది..
పొటాషియం, యాంటీఆక్సిడెంట్లతో నిండిన సొరకాయ రక్తపోటును నియంత్రించడంలో, కొలెస్ట్రాల్‌ను తగ్గించడంలో సహాయపడుతుంది. ఇందులో ఉండే స్టెరాల్స్ హృదయనాళ పనితీరుకు సపోర్ట్ చేస్తాయి.
ఎవరు తినకూడదు..
సొరకాయలో చేదు రుచి ఉండటం ఒక ప్రధాన సమస్య. ఇది వికారం, వాంతులు, విరేచనాలు, తీవ్రమైన సందర్భాల్లో ఆసుపత్రిలో చేరడానికి దారితీసే విషపూరిత సమ్మేళనం. వంట చేసే ముందు ఎల్లప్పుడూ ఒక చిన్న ముక్కను రుచి చూడాలి. అది చేదుగా ఉంటే వెంటనే దాన్ని తినకుండా ఉండటం మంచిది.
తక్కువ రక్తపోటు ఉన్నవారు, దీర్ఘకాలిక మూత్రపిండ వ్యాధి ఉన్నవారు, బీటా-బ్లాకర్స్ తీసుకుంటున్న వ్యక్తులు, ఉబ్బరం, విరేచనాలకు గురయ్యే అవకాశం ఉన్నవారు సొరకాయ తినేటప్పుడు జాగ్రత్తగా ఉండాలి.
*రూపశ్రీ
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...
వేసవి అంటే చాలా మంది ఎదురుచూసేది మామిడి పండ్ల కోసమే. పండ్లకు రారాజు అయిన మామిడి సువాసన నుండి రుచి వరకు మైమరచిపోయేలా చేస్తుంది. అయితే చాలామంది పచ్చి మామిడిని కూరలు, పచ్చళ్ల కోసం, పండిన మామిడిని జ్యూసులు, నేరుగా తినడం కోసం ఉపయోగిస్తారు. కానీ వేసవిలో పచ్చి మామిడిని తినడం వల్ల చాలా ఆరోగ్య ప్రయోజనాలు ఉన్నాయి. పులుపును బాగా ఇష్టపడేవారు మామిడిని బాగా తింటుంటారు. కానీ పచ్చి మామిడిని అందరూ తినడం వల్ల కలిగే ఆరోగ్య ప్రయోజనాలు ఏంటో తెలుసుకుంటే..
పచ్చి మామిడి వల్ల కలిగే ప్రయోజనాలు..
వేసవికాలంలో చాలామంది భయపడేది వడదెబ్బకు. అయితే ఈ వడదెబ్బకు చెక్ పెట్టేది పచ్చి మామిడి. పచ్చి మామిడి పండును కాస్త ఉడికించి అందులో తగినంత నీరు పోసి మిరియాలు, ఉప్పు లేదా పంచదార వంటివి కలిపి తాగితే వడదెబ్బ భయమే ఉండదు. వేసవిలో శరీరం డీహైడ్రేట్ కావడాన్ని ఇది చెక్ పెడుతుంది.
పచ్చి మామిడిలో పొటాషియం, ఇతర ఎలక్ట్రోలైట్లు ఉంటాయి. ఇవి వేసవిలో చెమట పట్టడం వల్ల కలిగే ఎలక్ట్రోలైట్ల అసమతుల్యతను భర్తీ చేయడంలో సహాయపడుతుంది. సాధారణంగా కొబ్బరి బొండం వంటి పానీయాలలో ఉండే ఎలక్ట్రోలైట్లు పచ్చి మామిడిలో కూడా ఉంటాయి. కాబట్టి పచ్చి మామిడిని తప్పక తినాలి.
పచ్చి మామిడిలో ఫైబర్ కంటెంట్ అధికంగా ఉంటుంది. ఇది జీర్ణక్రియను మెరుగుపరచడంలో సహాయపడుతుంది. వేసవిలో జీర్ణసమస్యలు ఎక్కువగా వస్తుంటాయి. అలాంటి జీర్ణసమస్యలకు చెక్ పెట్టాలంటే పచ్చి మామిడి కాయను ఆహారంలో తీసుకుంటూ ఉండాలి.
పుల్లగా ఉన్న పండ్లలో విటమిన్-సి సమృద్జిగా ఉంటుంది. పచ్చి మామిడి కూడా అలాంటి వాటిలో ఒకటి. పచ్చి మామిడిని ఆహారంలో తీసుకుంటే శరీరానికి కావలసిన విటమిన్-సి లభిస్తుంది. శరీరంలో వేడి సంబంధిత వ్యాధులతో పోరాడటానికి ఇది సహాయపడుతుంది. పైగా రోగనిరోధక శక్తిని కూడా బలపరుస్తుంది.
పచ్చి మామిడి కాయలు ఆల్కలీన్ ల7ణాలను కలిగి ఉంటాయి. ఇవి శరీరంలో ఆమ్ల స్థాయిలను సమతుల్యం చేస్తాయి. శరీరంలో ఆమ్లత అంటే యాసిడ్ స్థాయిలను తగ్గిస్తాయి.
పచ్చి మామిడి కాయ శరీరానికి చల్లదనాన్ని ఇస్తుంది. ఇది శరీరాన్ని లోపలి నుండి చల్లగా ఉంచుతుంది. పచ్చి మామిడి కాయతో చారు లాగా చేసుకుని ఆహారంలో తీసుకుంటే శరీరానికి చలువ చేస్తుంది. వేసవి వేడి తగ్గుతుంది.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...