ఎసిబి కోర్టు చేతిలో ఫోరెన్సిక్ తుది నివేదిక

posted on Jul 3, 2015 8:43AM

ఓటుకి నోటు కేసులో ఎసిబి అధికారులు ఫోరెన్సిక్ సంస్థకు అందించిన ఆడియో వీడియో టేపులపై తుది నివేదికను ఆ సంస్థ అధికారులు నిన్న సాయంత్రం ఎసిబి కోర్టుకి సమర్పించారు. కనుక ఆ నివేదికను కోరుతూ ఎసిబి అధికారులు ఈరోజు కోర్టులో ఒక మెమో దాఖలు చేయనున్నారు. అది చేతికి అందిన తరువాత ఈ కేసులో తదుపరి చర్యలు తీసుకొనే అవకాశం ఉంది. కానీ తెదేపా ఎమ్మెల్యే సండ్ర వెంకట వీరయ్య తను ఈ కేసులో విచారణకు ఎప్పుడు పిలిచినా హాజరయ్యేందుకు సిద్దమని ఎసిబి అధికారుఅలకు లేఖ వ్రాసినా వారు ఇంతవరకు స్పందించకపోవడం గమనిస్తే, వారు తదుపరి చర్యలు చేప్పట్టడానికి తొందరపడక పోవచ్చునని స్పష్టమవుతోంది. ఏమయినప్పటికీ ఇప్పుడు ఈ కేసు చాలా కీలక దశకు చేరుకోన్నట్లే భావించవచ్చును.