టీఆర్ఎస్ లో చేరడం లేదు.. క్లారిటీ ఇచ్చిన వివేక్

మాజీ ఎంపీ వివేక్ టీఆరెస్ లోకి చేరే అవకాశం ఉందని వార్తలు వచ్చిన సంగతి తెలిసిందే. వరంగల్ ఉపఎన్నిక షెడ్యూల్ ఖరారైన నేపథ్యంలో టీఆర్ఎస్ తరుపున పోటీ చేయమని మంత్రి హరీశ్ రావు అడిగినట్టు, దానికి వివేక్ కూడా సానుకూలంగా స్పందించినట్టు వార్తలు వచ్చాయి. అయితే ఇప్పుడు ఆవార్తలకు బ్రేక్ వేశారు వివేక్. తానే స్వయంగా మీడియా ముందుకొచ్చి ''నేను టీఆరెస్ లో చేరబోవడం లేదు.. కాంగ్రెస్ ను వీడడం లేదు'' అని క్లారిటీ ఇచ్చారు. దీంతో టీఆరెస్ లో ఆయన చేరిక లేనట్లేనని తేలిపోయింది. అంతేకాదు.... వివేక్ ను చేర్చుకుని వరంగల్ ఎంపీ స్థానానికి పోటీ చేయించాలని భావిస్తున్న టీఆరెస్ ఇప్పుడు కొత్త అభ్యర్థిని వెతుక్కనే పనిలో పడింది. కాగా ఇప్పుడు మరో అనుమానం వ్యక్తం అవుతుంది. వివేక్ టీఆర్ఎస్ ఆఫర్ చేసిన ఎంపీ సీటు మంచిదేనని.. మరి ఎందుకు వివేక్ ఈ అవకాశాన్ని వదులుకున్నారో అని.. బహుశా ఆయనకు అధిష్టానం ఫోన్ చేసి ఇంకా ఏదో మంచి ఆఫర్ ఇచ్చి ఉండొచ్చు అని అనుకుంటున్నారు. మరి ఏం జరిగిందో వివేక్ కే తెలియాలి.