ఒక్క డిబేట్.. 67 కోట్లు అడిగిన ట్రంప్..

ఒక డిబెట్ లో పాల్గొనేందుకు ఒకటి కాదు రెండు కాదు ఏకంగా 67 కోట్లు అడిగాడు. ఇంతకీ అడిగింది ఎవరో తెలుసా.. అమెరికా అధ్యక్ష బరిలో ఉన్న డొనాల్డ్ ట్రంప్. డిబేట్ ఏంటీ.. డబ్బులు ఏంటీ అనుకుంటున్నారా.. అసలు సంగతేంటంటే.. ఓ మీడియా సమావేశంలో పాల్గొన్న ట్రంప్ కు హిల్లరీ క్లింటన్ కు ప్రధాన ప్రత్యర్థిగా ఉన్న బెర్నీ సాండర్స్ తో వాగ్వాదానికి సిద్ధమా? అన్న ప్రశ్న ఎదురైంది. దీనికి స్పందించిన ట్రంప్ వెంటనే.. సిద్దమే కానీ దానికి డబ్బులు ఇవ్వాలని.. అది కూడా 10 మిలియన్ డాలర్లు అంటే మన కరెన్సీలో సుమారు రూ. 67 కోట్లు ఇవ్వాలని అడిగాడట. ఆ డబ్బును చారిటీకి వాడుతానని కూడా చెప్పాడు. సాండర్స్ నాకు స్నేహితుడు.. అలాంటిది అతనితో వాగ్వాదం జరిగితే ఇష్టమేనని.. రేటింగ్ కూడా మంచిగా వస్తుందని.. మీడియా వ్యాపార ఎత్తులు తనకు తెలుసునని చెప్పాడు. మరి ట్రంప్ అడిగినట్టు అంత డబ్బు వెచ్చించి.. ఇద్దరికీ ఎవరు డిబేట్ పెట్టిస్తారో చూడాలి.