ద‌ర్శ‌క‌ధీరుడు రాజ‌మౌళి ప్ర‌స్తుతం పిరియ‌డ్ డ్రామా `ఆర్ ఆర్ ఆర్` చేస్తున్నారు. యంగ్ టైగ‌ర్ జూనియ‌ర్ ఎన్టీఆర్, మెగాప‌వ‌ర్ స్టార్ రామ్ చ‌ర‌ణ్ క‌లిసి న‌టిస్తున్న ఈ మ‌ల్టిస్టార‌ర్.. చిత్రీక‌ర‌ణ తుది ద‌శ‌కు చేరుకుంది. విజ‌య‌ద‌శ‌మి కానుక‌గా అక్టోబ‌ర్ 13న ఈ పాన్ ఇండియా ప్రాజెక్ట్ విడుద‌ల కావాల్సి ఉంది. అయితే, క‌రోనా సెకండ్ వేవ్ విజృంభ‌ణ కార‌ణంగా 2022 సంక్రాంతికి వాయిదా ప‌డే అవ‌కాశ‌ముంద‌ని ప్రచారం సాగుతోంది.

ఇదిలా ఉంటే.. `ఆర్ ఆర్ ఆర్` త‌రువాత సూప‌ర్ స్టార్ మ‌హేశ్ బాబుతో జ‌క్క‌న్న త‌న నెక్స్ట్ వెంచ‌ర్ చేయ‌నున్న సంగ‌తి తెలిసిందే. ఈ సినిమాకి సంబంధించి ఓ ఆస‌క్తిక‌ర‌మైన విష‌యం వెలుగులోకి వ‌చ్చింది. అదేమిటంటే.. అట‌వీ నేప‌థ్యంలో సాగే అడ్వెంచ‌ర్ మూవీగా ఈ క్రేజీ ప్రాజెక్ట్ రూపొంద‌నుంద‌ట‌. అంతేకాదు.. ఆఫ్రికా అడ‌వుల్లో సింహ‌భాగం చిత్రీక‌ర‌ణ ప్లాన్ చేస్తున్నార‌ని బ‌జ్. అలాగే, వి.ఎఫ్.ఎక్స్, సీజీఐకి స్కోప్ ఉన్న సినిమా ఇద‌ని అంటున్నారు. మ‌రి.. ఈ క‌థ‌నాల్లో నిజానిజాలెంతో తెలియాలంటే కొన్నాళ్ళు వేచిచూడాల్సిందే.

కాగా, మ‌హేశ్ ప్ర‌స్తుతం `స‌ర్కారు వారి పాట‌` చేస్తున్నారు. ఆ సినిమా పూర్త‌య్యేలోపే త్రివిక్ర‌మ్ చిత్రాన్ని ప‌ట్టాలెక్కించ‌నున్నారు. అద‌య్యేలోపు అనిల్ రావిపూడి కాంబినేష‌న్ మూవీ సెట్స్ పైకి వెళుతుంద‌ని టాక్. ఇక ఈ రెండు ప్రాజెక్ట్స్ పూర్తిచేసే టైమ్ కి జ‌క్క‌న్న డైరెక్టోరియ‌ల్ కి రంగం సిద్ధ‌మ‌వుతుందట‌.