చంటి పాపాయిని చూశారా? ఎంత ముద్దొస్తుందో కదూ! ఈ అమ్మాయి పేరు ఇషిక. 'దిల్' రాజు మనవరాలు. 'దిల్' రాజు కుమార్తె హన్షితారెడ్డి రెండో సంతానం. మొదటి సంతానం అబ్బాయి. అప్పుడప్పుడూ సినిమా వేడుకలలో కనిపిస్తూ ఉంటాడు. మనవడిని ఎత్తుకుని దిల్ రాజు మురిసిపోతుంటారు కూడా.

మొన్న జూలై 6కి ఇషికకు ఆరు నెలలు నిండాయి. చిన్న పాప కదా. అందుకని, బయటకు తీసుకురావడం లేదు. అయితే, అప్పుడప్పుడూ సోషల్ మీడియాలో అమ్మాయి ఫొటోలను హన్షితా రెడ్డి షేర్ చేస్తూ ఉంటారు. శ్రావణ శుక్రవారం, వరలక్ష్మీ వ్రతం సందర్భంగా ఇషికను సాంప్రదాయ దుస్తులలో ముస్తాబు చేసి ఫొటోలు తీశారు. "నా వరలక్ష్మి" అని హన్షితా పేర్కొన్నారు.