సోషల్‌ మీడియా ఈ రోజు పండగ శోభ సంతరించుకుంది. సాధారణంగా స్టైయిలిష్‌, ఫ్యాషన్‌ ఫొటోలతో సందడి చేసే సెలబ్రిటీల్లో కొంతమంది శుక్రవారం వరలక్ష్మీ వ్రతం సందర్భంగా సంప్రదాయబద్ధమైన దుస్తులలో సందడి చేశారు. వాళ్ళను ఓసారి చూడండి.

అల్లువారి వరలక్ష్మి... అర్హ
స్టయిలిష్‌ స్టార్‌ అల్లు అర్జున్‌ సతీమణి స్నేహ, ముద్దుల కుమార్తె అర్హ ఫొటో పోస్ట్‌ చేశారు. దానికి ‘మా వరలక్ష్మి’ అని క్యాప్షన్‌ ఇచ్చారు. ఫొటోలో అర్హ పెట్టుకున్న ముక్కుపుడక చాలామంది దృష్టిని
ఆకర్షించింది.

ఘట్టమనేని వారసురాలి పూజ
సూపర్‌స్టార్‌ ఘట్టమనేని కృష్ణ కుమార్తె, మహేశ్‌బాబు సోదరి మంజుల ఇంట్లో వరలక్ష్మి వ్రతం చేశారు. పూజ చేస్తున్నప్పుడు తీసిన ఫొటోలను ప్రేక్షకులతో పంచుకున్నారు.

ఫ్యామిలీతో విష్వక్‌సేన్‌
‘ఫలక్‌నుమా దాస్‌’, ‘హిట్‌’ ఫేమ్‌ విష్వక్‌సేన్‌ ఇంట్లో కూడా వరలక్ష్మీ వ్రతం పూజలు చేశారు. కుటుంబంతో దిగిన ఫొటోను ఆయన సోషల్‌ మీడియాలో పోస్ట్‌ చేశారు.

గతేడాది అమ్మవారిని ఎలా అలంకరించానంటే?
గతేడాది వరలక్ష్మీ వ్రతానికి అమ్మవారిని ఎలా అలంకరించానంటే? అంటూ అప్పుడు తీసుకున్న వీడియో లింక్‌ ఇన్‌స్టాగ్రామ్‌లో పోస్ట్‌ చేశారు యాంకర్‌ లాస్య మంజునాథ్‌. ఈ ఏడాదీ ప్రేక్షకులకు
ఆమె శుభాకాంక్షలు తెలిపారు.

చీరలో అందాల నభా నటేశ్‌
‘ఇస్మార్ట్‌ శంకర్‌’ హీరోయిన్‌, కన్నడ భామ నభా నటేశ్‌ ప్రజలకు వరలక్ష్మీ వ్రతం శుభాకాంక్షలు తెలిపారు. ఈ సందర్భంగా నిండుగా చీర కట్టుకున్న ఫొటోను పోస్ట్‌ చేశారు.

బాపు బొమ్మ సైతం
మరో కన్నడ సుందరి, బాపు బొమ్మ ప్రణీతా సుభాష్‌ సైతం చీర కట్టుకున్న ఫొటో పోస్ట్‌ చేసి వరలక్ష్మీ వ్రతం శుభాకాంక్షలు తెలిపారు.