తెలుగులో 'కిక్', 'ఊసరవెల్లి', 'రేసుగుర్రం' తదితర సినిమాల్లో నటించిన తమిళ నటుడు 'కిక్' శ్యామ్‌ను చెన్నై పోలీసులు మంగళవారం అరెస్ట్ చేశారు. అపార్ట్‌మెంట్‌లో గ్యాంబ్లింగ్ నిర్వహిస్తున్నాడని విశ్వసనీయ వర్గాల సమాచారంతో రైడ్ చేసి రెడ్ హ్యాండెడ్‌గా పట్టుకున్నారు. అతడితో పాటు మరో చెన్నైలో పేరొందిన పన్నెండు మందిని అరెస్ట్ చేశారు. అందులో ఓ దర్శకుడు, న్యాయవాది, హోటల్ ఓనర్లు, వ్యాపారవేత్తలు ఉన్నారట. సాయంత్రానికి అందరూ బెయిల్ మీద పోలీస్ స్టేషన్ నుండి బయటపడ్డారు.

'కిక్' శ్యామ్ అరెస్ట్ వార్త సినీ సర్కిళ్ళల్లో కలకలం సృష్టించింది. ప్రేక్షక లోకానికి షాక్ ఇచ్చింది. అయితే... అతడిని ఓ ప్రముఖ నటుడు పట్టించాడని చెన్నై సర్కిళ్లలో ఓ వార్త చక్కర్లు కొడుతోంది. ఇటీవల కిక్ శ్యామ్ గ్యాంబ్లింగ్ రాకెట్ వలన పెద్ద మొత్తంలో డబ్బులు పోగొట్టుకున్న ఓ నటుడు, పోలీసులకు సమాచారం అందించాడని టాక్. క్రికెట్ మ్యాచులు జరిగే సమయాల్లో స్నేహితుల ఇళ్లల్లో సరదాగా బెట్టింగ్ నిర్వహించే అలవాటు కిక్ శ్యామ్‌కి ఉందని, అయితే ఎవరికీ హాని కలగని విధంగా అతడి బెట్టింగ్ ఉంటుందని తమిళ నటుడు చెప్పాడట.