నిత్యం
నిషాలోఉండువాడు
నీచుడు నికృష్టుడు నిత్యదరిద్రుడు

కన్నబిడ్డల్ని
కట్టుకున్న భార్యను
ఆకలికి మాడ్చేవాడు అవివేకి అజ్ఞాని

కష్టపడి ఆర్జించిన
సొమ్మునంత కల్లు దుకాణాల్లో
వైన్ షాపుల్లో ఖర్చుచేసి
నిత్యం మందు త్రాగడమంటే...
వాడు కట్టుకున్న భార్య కన్నబిడ్డల
రక్తాన్ని త్రాగడమే రాక్షసుడిగా మారడమే

పుస్తెలు తాకట్టు పెట్టి
పీకలదాకా మందుకొట్టి
బూతుపురాణం మొదలు పెట్టి

తల్లీ బిడ్డల్ని రాక్షసుడిలా
హింసిస్తున్నాడంటే ఖచ్చితంగా రేపు
వాడు పురుగులుపడి ఛస్తాడని అర్థం

అందరూ వాన్ని ఒక పురుగులాగా
సమాజానికి ఒక చీడపురుగులాగా
ఛీకొడతారని వాడికి తెలీదు
వాడు ఏ సిగ్గులజ్జా మానం లేని
బ్రతికి ఉన్న ఓ శవంతో సమానం...