కొందరు
యువకులు
వృద్ధులన్నారు
మహాకవి శ్రీశ్రీ నాడు
కానీ కొందరు వృద్ధులు
యువకులే నవయువకులే నేడు

కొందరు వృద్ధులు
నాడు ఋషులు మహర్షులు
నేడు ఘనులు త్యాగధనులు

నిన్న తలకు మించి
అప్పులు చేసిన వారు
తీర్చలేక తిప్పలు పడినవారు

నిన్న వారు నిప్పులా
భగ్గున మండినవారు
నేడు తలలు పండినవారు

వారు వారి ఆశయాల
ఆక్సిజన్ మనకు ఎక్కిస్తారు
అనుభవాల అమృతాన్ని పంచుతారు

వారు కష్టాల కలల అలల మీద
పయనించి జ్ఞాపకాల మూటలను
జ్జాననిధులను జీవితతీరాలకు చేర్చినవారు

కొందరు వయసులో వృద్దులైనా...వారు
ఆలోచనల్లో...ఆచరణలో...నవయువకులే