మొన్న కళ్లకు కనిపించిన వారు నిన్నలేరు
నిన్న కలిసి మాట్లాడిన వారు నేడులేరు
నేడు కలిసి తిన్నవారు తిరిగినవారు
రేపు మాయమైపోతున్నారు

అందుకే 
ఏ మాట చివరిదో
ఏ ఆట చివరిదో
ఏ నవ్వు చివరిదో
ఏ పలకరింపు చివరిదో
ఏ కలయిక చివరిదో
ఏ చూపూ చివరిదో ఎవరికి ఎరుక
ఇది ఎంతకూ అంతుపట్టని ఓ వింత రహస్యం

అందుకే
అందరిని మంచిగా పలకకరిస్తూ వుండు
అందరితో మంచిగా మాట్లాడుతూ ఉండు
ఆ నలుగురితో నవ్వుతూ కలిసి మెలిసి ఉండు
ఎవ్వరికీ దూరంకాకు ఎవరితోనూ పగద్వేషం వద్దు

రేపు వెళ్లడమంటూ తప్పదు గనుక 
శత్రుశేషంలేకుండా ఉన్నంతకాలం అందరితో
మంచిగా వుండి మరణించడం మంచిదే గదా
ఆ తర్వాత ఎవ్వరినీ కలవలేనంత దూరం వెళ్తాం 
ఎవరూ పిలిచినా పలికలేనంత దూరం వెళ్తాం ఎవరినీ మళ్ళీ తిరిగి చూడలేనంత దూరం వెళ్తాం
మనందరం తప్పక మరలిరానిలోకాలకు తరలివెళ్తాం