ఓ ఆశాజీవులారా! 
ఓ అపరభక్తులారా! 
మీరు ఒక పచ్చినిజాన్ని
తెలుసుకోండి 

రోజు మీరుగుడి మెట్లు ఎక్కుతారు
భగవంతున్ని భక్తితో మొక్కుతారు

గుడి చుట్టూ తిరుగుతారు
గుండుచేయించుకుంటారు

వెంకటేశ్వరుని దర్శించుకుని
వేడుకుంటారు

కొంచెం చిల్లర హుండీలో వేసి 
కోటి వరాలు కోరుకుంటారు

కాని 
ఏ దేవుళ్ళయినా 
ఏ దేవతలైనా సరే మీకు 
వరాలు యివ్వరు
శాపాలు యివ్వరు
అవకాశాలను మాత్రమే ఇస్తారు

అందుకు తగిన శక్తిని జ్ఞానాన్ని
సమయాన్ని ఆరోగ్యాన్ని ఇస్తారు

ఆపై ఆ అవకాశాలను మీరు 
వరాలుగా లేక శాపాలుగా
మార్చుకుంటారా లేదా అన్నది
మాత్రం  మీ చేతుల్లోనే వున్నది