బిస్కెట్‌ డబ్బాల్లో పసికందులు..

పశ్చిమబెంగాల్ లో దారుణమైన ఘటన చోటుచేసుకుంది. పసికందులను బిస్కెట్‌ డబ్బాల్లో పెట్టి వేరే ప్రాంతాలకు తరలిస్తున్నారు. అది కూడా ఆస్పత్రియాజమాన్యమే కావడం ఆశ్చర్యకరం. వివరాల ప్రకారం.. పశ్చిమ్‌బంగాలోని సోహన్‌ నర్సింగ్‌ హోం, సుబోధ్‌ మెమోరియల్‌ ట్రస్ట్‌ సిబ్బంది అప్పుడే పుట్టిన పసికందులు చనిపోయారంటూ తల్లిదండ్రుల్ని నమ్మించి ఆ పసికందుల్ని ఇతర ప్రాంతాలకు తరలించి విక్రయిస్తున్నట్లు సీఐడీ అధికారులకు సమాచారం అందింది. దీంతో తనిఖీలు చేపట్టిన అధికారులు ముగ్గురు పసికందుల్ని బిస్కెట్‌ కంటైనర్లరో పెట్టి తరలిస్తున్న ఎనిమిది మంది నిందితులను పట్టుకున్నారు. గత మూడు సంవత్సరాలుగా వీరు ఈ దారుణానికి పాల్పడుతున్నట్టు తెలిసింది. నిందితుల్ని అరెస్ట్‌ చేసి దర్యాప్తు కొనసాగిస్తున్నట్లు అధికారులు తెలిపారు.