ఆస్ట్రేలియన్ మాస్టర్స్ విజేత సైనా నెహ్వాల్

ఆస్ట్రేలియన్ మాస్టర్స్ సూపర్ సిరీస్ బ్యాడ్మింటన్ టైటిల్‌ను..భారత బ్మాడ్మింటన్ స్టార్ క్రీడాకారిణి సైనా నెహ్వాల్ గెలుచుకుంది. మహిళల సింగిల్స్‌లో భాగంగా ఇవాళ సిడ్నీలో జరిగిన ఫైనల్‌ పోరులో సైనా చైనాకు చెందిన సున్ యు‌ను 11-21, 21-14, 21-19 తేడాతో చిత్తుచేసింది. తొలి గేమ్‌లో కాస్త తడబడిన సైనా ఆ గేమ్‌ను కోల్పోయింది. ఆ తరువాత వెంటనే పుంజుకుని ఆధిపత్యం కొనసాగించింది. సున్ యు నుంచి తీవ్ర ప్రతిఘటనను ఎదర్కొన్న సైనా ఏమాత్రం ఛాన్స్ ఇవ్వలేదు. దీంతో రెండోసారి ఆస్ట్రేలియా ఓపెన్ సూపర్ సిరీస్ బ్యాడ్మింటన్ ట్రోఫిని సొంతం చేసుకుంది. 2014లో తొలిసారి సైనా ఈ టోర్నీని గెలిచింది.