మంట పుట్టిస్తున్న పాకిస్థానీ హెయిర్ స్టైలిస్ట్..
posted on Jan 13, 2017 4:10PM
ఈరోజుల్లో ప్రతిఒక్కరికీ ఫ్యాషన్ గురించి చెప్పనక్కర్లేదు. రోజుకో ఫ్యాషన్ వస్తుంది. ఇంక హెయిర్ స్టైల్స్ గురించి చెప్పనక్కర్లేదు. జుట్టు ఉన్న ప్రతి ఒక్కరూ రోజుకో స్టైల్ తో మెరుస్తున్నారు. అందుకు తగినట్లే హెయిర్ స్టైలిస్టులు కూడా పుట్టుకొచ్చారు. కానీ ఇక్కడ ఓ హెయిర్ స్టైలిస్ట్ మాత్రం జుట్టుకే ఏకంగా మంటే పెట్టేస్తున్నాడు. అయితే ఈ స్టైలిస్ట్ మన దేశానికి చెందిన వ్యక్తి కాదు.. పాకిస్థాన్ కు చెందిన వ్యక్తి. ఒమర్ ఖురేషీ అనే పాకిస్థాన్ జర్నలిస్ట్ ఈ వెరైటీ హెయిర్ కట్కు సంబంధించిన వీడియోను ట్విట్టర్లో పోస్ట్ చేశాడు. ఆ వీడియో లో హెయిర్ స్టైలిస్ట్ ఏదో ఒక పౌడర్, కాస్త ఆయిల్ వేసి లైటర్తో జుట్టుకు మంట పెడుతున్నాడు. ఆ తర్వాత వేగంగా రెండు చేతులతో దువ్వుతూ ఆ మంటలను ఆర్పేస్తున్నాడు. అయితే విచిత్రమేంటంటే మంట పెట్టినా కూడా జట్టుకు మాత్రం ఏం కాకపోవడం. ఇదిలా ఉంటే ఈవీడియో మాత్రం ఇప్పుడు సోషల్ మీడియాలో హల్ చల్ చేస్తుంది. మరి ఈ మంటవల్ల వచ్చిన లాభం ఏంటో అతనికి, చేయించుకునేవాళ్లకే తెలియాలి మరి.