నితిన్ కొత్తది మొదలెట్టేశాడు

నితిన్ హీరోగా మరో చిత్రం ప్రారంభమయ్యింది. శ్రావణ మూవీస్ బ్యానర్లో నిఖితా రెడ్డి నిర్మిస్తున్న ఈ చిత్రానికి శ్రీనివాస్ రెడ్డి దర్శకత్వం వహిస్తున్నాడు. ఈ చిత్ర ముహూర్త కార్యక్రమాలు సోమవారం హైదరాబాదులో ప్రారంభమయ్యాయి. ప్రముఖ దర్శకుడు సురేందర్ రెడ్డి గౌరవ దర్శకత్వం వహించాడు. ఈ సందర్భంగా నిర్మాత మాట్లాడుతూ... "సరికొత్త ప్రేమకథతో ఈసారి మీ ముందుకొస్తున్నాం. నితిన్ బాడీ లాంగ్వేజ్ కి తగ్గట్టుగా దర్శకుడు కథని సిద్ధం చేసారు. వచ్చే నెల మూడోవారం నుంచి రెగ్యులర్ చిత్రీకరణ ప్రారంభిస్తాము" అని అన్నారు. సంగీతం సాగర్ అందిస్తున్నాడు.