రఘువీరాపై జేసీ వ్యాఖ్యలు.. రెండుసార్లు దెబ్బలు తిన్నాడు.. మూడోసారి నేను కొడతా

సంచలన వ్యాఖ్యలు చేయడంలో టీడీపీ నేత జేసీ ప్రభాకర్ రెడ్డి తరువాతే ఎవరైనా. అది ఏ విషయమైనా సరే కుండబద్దలు కొట్టినట్టు చెప్పడం ఆయనకు అలవాటు. అసలే కోపం ఎక్కువ అలాంటిది జేసీ జోలికి వెళితే ఎలా ఉంటుందో.. రఘువీరారెడ్డిని చూస్తే తెలుస్తుంది. తాజాగా ఆయన లంచం తీసుకుంటున్నా అని బహిరంగంగానే వ్యాఖ్యలు చేసి అందరూ షాకయ్యేలా చేశారు. దీనికి రఘువీరా రెడ్డి స్పందించి ఆయనపై విమర్శలు చేయడం.. దానికి జేసీ ప్రభాకర్ రెడ్డి కూడా రివర్స్ లో ఆయనేమి సత్య హరిశ్చంధ్రుడు కాదు.. ఆయన జీవితంలో ఎప్పుడూ లంచాలు తీసకోలేదా అంటూ కౌంటర్ ఇచ్చిన సంగతి తెలిసిందే. అయితే మళ్లీ ఇప్పుడు జేసీ రఘువీరారెడ్డికి వార్నింగ్ ఇచ్చారు. తాను మాట్లాడాలనుకుంటే ఎవరి గురించైనా మాట్లాడుకోవచ్చని.. తన గురించి మాట్లాడితే మాత్రం ఊరుకోనని.. బట్టలు ఊడదీసి కొడతానని హెచ్చరించారు. అంతేకాదు ఇప్పటికే రెండుసార్లు ప్రజల చేతిలో దెబ్బలు తిన్న రఘువీరా రెడ్డి.. మూడోసారి తన చేతిలో తన్నులు తినాల్సి వస్తుందని అన్నారు. అంతేకాదు కాంగ్రెస్ హయాంలో ఉన్నప్పుడు సంపాదించిన దానిలో 20 శాతం పిల్లాడైన జగన్ తింటే.. మిగిలిన 80శాతం రఘువీరారెడ్డి లాంటివారు తిన్నారని విమర్శించారు. మొత్తానికి జేసీ జోలికి వస్తే ఎలా ఉంటుందో రఘువీరాకి ఇప్పటికే అర్ధమైఉంటుంది.