ఓటీటీలోకి సూపర్ హిట్ మలయాళం మూవీ.. స్ట్రీమింగ్ ఎప్పుడంటే!

తెలుగు సినిమా లవర్స్ కి పండగ మొదలైంది. అటు థియేటర్లలో ప్రభాస్ ' కల్కి' మూవీ రిలీజ్ కావడంతో సినీలవర్స్ ఎప్పుడెప్పుడు చూద్దామా అని ఆతురతగా ఉన్నారు. అయితే అందరికి టికెట్లు దొరకవు కాబట్టి కొందరు ఓటీటీలోకి వచ్చే సినిమాల కోసం చూస్తుంటారు. వారికోసం మలయాళంలో సూపర్ హిట్ అయిన ఓ సినిమా ప్రముఖ ఓటీటీ వేదిక డిస్నీ ప్లస్ హాట్ స్టార్ లో స్ట్రీమింగ్ కి సిద్ధమైంది. మరి ఆ సినిమా ఏంటో చూసేద్దాం.

పృథ్విరాజ్ సుకుమారన్ ప్రధాన పాత్రలో నటించిన సూపర్ హిట్ కామెడీ ఎంటర్‌టైనర్ ' గురువాయుర్ అంబలనాదయిల్ '. ఈ మూవీ కేరళలో మే16 న థియేటర్లలో విడుదలైంది. అక్కడ ఈ మూవీ భారీ హిట్ గా నిలిచి సుమారుగా 90 కోట్ల వసూళ్లను రాబట్టింది. ఈ మూవీ దర్శకుడు విపిన్ దాస్. బసిల్ జోసెఫ్, రేఖ, నిఖిలా విమల్ , అనస్వర రాజన్ , యోగి బాబు ముఖ్యమైన పాత్రలు పోషించారు.

సలార్ సినిమాతో తెలుగు ప్రేక్షకులకి పరిచయం అయిన ' పృథ్విరాజ్ సుకుమారన్' . తన మలయాళ సినిమాని తెలుగు ప్రేక్షకుల ముందుకు తీసుకొచ్చాడు. ఈ మూవీ ప్రముఖ ఓటీటీ వేదిక డిస్నీ ప్లస్ హాట్ స్టార్ లో ఈరోజు (జూన్ 27) న స్ట్రీమింగ్ కానుంది. తెలుగు, తమిళ, మలయాళం, కన్నడతో పాటు హిందీలో కూడా ఈ సినిమా డబ్బింగ్ వర్షన్ రిలీజ్ చేయనున్నారు. కల్కి మూవీ టికెట్లు దొరకని వారు ఈ మూవీని ఓటీటీలో చూసేయ్యండి.