కూతుర్ని అమ్మేశాడు... భార్యనీ అమ్మేందుకు సిద్ధపడ్డాడు

మానవత్వం మంటగలిసిపోతోంది అని మొత్తుకునే మాటలకి ఈమధ్య చాలా ఉదాహరణలే కనిపిస్తున్నాయి. కావాలంటే ఇది చూడండి. అతనో ఆటోడ్రైవర్‌. ఆదాయం అంతంతమాత్రమే! దానికి తోడు తాగుడు అలవాటు. దాంతో ఒకదాని తర్వాత ఒకటిగా అప్పులు చేశాడు. ఆ అప్పుల మీద వడ్డీలు కలిసి మోపెడయ్యాయి. ఆ అప్పులను తీర్చేందుకు అతను ఓ దారుణమైన ఉపాయాన్ని ఆలోచించాడు. తన కూతురు పెద్దమనిషి కాగానే 1.5 లక్షలకు బదులుగా అప్పగిస్తానని ఓ పెద్దమనిషితో ఒప్పందం ఏర్పరుచుకున్నాడు. అంతేకాదు! తన భార్యని కూడా 5 లక్షలకు అమ్మేందుకు బేరం కుదుర్చుకునే ప్రయత్నాలలో ఉన్నాడు. విషయాన్ని పసిగట్టిన అతని భార్య పిల్లలతో కలిసి తన పుట్టింటికి పారిపోయింది. అక్కడ పోలీసులకు కంప్టైంట్‌ చేయడంతో ఈ దారుణం ప్రపంచానికి తెలిసింది. ఆ దంపతులకు ఇంకా ముగ్గురు కూతుళ్లు ఉండటంతో, వాళ్లందరినీ ఒకొక్కరిగా అమ్మే ప్రయత్నంలో ఉన్నాడని ఊహిస్తున్నారు.