లిఫ్ట్ లో చిక్కుకుపోయిన అమిత్ షా

భారతీయ జనతా పార్టీ జాతీయ అధ్యక్షుడు అమిత్ షా దాదాపు 40 నిమిషాలు లిఫ్ట్ లో ఇరుక్కుపోయారంట. బీహార్ ఎన్నికల నేపథ్యంలో సీట్ల సర్దుబాటు విషయంపై చర్చించడానికి పాట్నా వచ్చిన ఆయన పార్టీ నాయకులతో చర్చించారు. అనంతరం తిరిగి రాత్రి 11.30 గంటలకు అమిత్ షా, ఆయన వ్యక్తిగత కార్యదర్శి, పార్లమెంట్ సభ్యుడు భూపీందర్ సింగ్, బీజేపీ ప్రధాన కార్యదర్శి సాధన్ సింగ్, భద్రతా సిబ్బంది లిఫ్ట్ లో బయలుదేరగా లిఫ్ట్ ఒక్కసారిగా ఆగిపోయింది. అయితే ఆసమయంలో వారి దగ్గర ఉన్న ఫోనులు కూడా పనిచేయలేదు.. లిఫ్ట్ లో ఉన్న ఎమర్జెన్సీ నెంబరుకు పని చేసినా అది కూడా పనిచేలేదు దీంతో వారందరూ దాదాపు 40 నిమిషాలు లిఫ్ట్ లోనే ఉండాల్సి వచ్చిందంట. అయితే తరువాత అమిత్ షా ఆదేశాల మేరకు సీఆర్ పీఎఫ్ సిబ్బంది రంగంలోకి దిగి లిఫ్ట్ ఇనుప డోర్ లు పగలగొట్టి అమిత్ షాను క్షేమంగా బయటకు తీసుకు వచ్చారట.