బాలీవుడ్ కండల వీరుడు సల్మాన్ ఖాన్ ను హిట్ అండ్ రన్ కేసు ఇప్పుడప్పుడే వదిలి పెట్టేలా లేదు. ఈ కేసులో తాను నిర్ధోషి అని కోర్టు తీర్పు నిచ్చినా కానీ.. ఎవరో ఒకరు దీనిని మళ్లీ బయటకి తీసే ప్రయత్నం చేస్తూనే ఉన్నారు. 2002 లో జరిగిన ఈ ఘటనలో దోషి గా ఉన్న సల్మాన్ కు దాదాపు పదమూడు సంవత్సరాల తరువాత ఊరట లభించింది. అయితే ఇప్పుడు మళ్లీ.. ఈకేసులో మరో వ్యక్తి కోర్టును ఆశ్రయించాడు. నియామత్ అనే వ్యక్తి కారు ప్రమాదం తనను శాశ్వత వికలాంగుడిగా మార్చిందని, రోజు వారీ కూలీ చేస్తేనే తప్ప బతకలేమని ఆయన విన్నవించారు. తన కుటుంబంలో సంపాదించేది తానేనని, అయితే ఇప్పుడు తాను పనులు చేసే పరిస్థితిలో లేనందున తగిన పరిహారం ఇప్పించాల్సిందిగా సుప్రీంకోర్టులో పిటిషన్ దాఖలు చేశాడు. తన వాదనలు వినిపించడానికి అవకాశం కల్పించాలని అతడు సుప్రీంకోర్టుకు విజ్ఞప్తి చేశాడు.
.webp)
.webp)
.webp)
