కాంగ్రెస్ పార్టీలోకి నవజ్యోత్ సింగ్ సిద్దూ భార్య...

మాజీ క్రికెటర్, నవజ్యోత్ సింగ్ సిద్దూ బీజేపీకి రాజీనామా చేసిన సంగతి తెలిసిందే. అయితే ముందు తాను వేరే పార్టీల్లోకి చేరుతారు అని అందరూ అనుకున్న తాను మాత్రం ఏ పార్టీల్లోకి చేరకుండా  ఆవాజ్-ఏ-హింద్ అనే కొత్త పార్టీ పెట్టాడు. నవజ్యోత్ సింగ్ కొత్త పార్టీ పెట్టినా కూడా పార్టీ గురించిన విషయాల గురించి మాత్రం ఇప్పటివరకూ పెద్దగా బయటకు రాలేదు. అయితే ఇప్పుడు ఓ వార్త మాత్రం హల్ చల్ చేస్తుంది. అదేంటంటే... సిద్దూ భార్య నవజ్యోత్ కౌర్ మాత్రం తన భర్త పార్టీని కాదని కాంగ్రెస్ పార్టీలోకి చేరుతున్నట్టు తెలుస్తోంది. ఈ నెల 28వ తేదీన ఆమె కాంగ్రెస్ లో చేరనున్నట్టు తెలుస్తోంది. నవజ్యోత్ కౌర్ తో పాటు ఆవాజ్-ఏ-పంజాబ్ నేత ప్రతాప్ సింగ్ సైతం కాంగ్రెస్ లో చేరనున్నట్టు సమాచారం. పంజాబ్ కాంగ్రెస్ చీఫ్ అమరీందర్ వీరిని పార్టీలోకి స్వాగతించినట్టు తెలుస్తోంది. ఈ సందర్భంగా ఆయన భావ సారూప్యత ఉన్న నవజ్యోత్ వంటి వారిని తమ పార్టీ అక్కున చేర్చుకుంటుందని, వారి రాకతో, ఎన్నికల ముందు కాంగ్రెస్ పార్టీ మరింత బలపడిందని అన్నారు. మరి దీనిపై సిద్దూ ఎలా స్పందిస్తారో చూడాలి.