పైకి పోయేముందు పెళ్ళి

ఉరితీసే ముందు ఆఖరి కోరిక ఏమిటని అడగడం సహజం. అలా అడిగినందుకు పెళ్లి కోరుకున్నాడు ఓ వ్యక్తి. ఆస్ట్రేలియాలో ఆండ్రూచాన్ అనే వ్యక్తి డ్రగ్ ట్రాఫికింగ్ కేసులో 2005 లో అరెస్ట్ అయ్యాడు. దేశవిదేశాలు అంతర్జాతీయంగా ఎన్ని విజ్ఞప్తులు చేసినా ఇండోనేషియా మాత్రం అవేమి పట్టించుకోకుండా చట్ట ప్రకారం ముందుకెళ్తూ ఉరిశిక్ష విధించింది. నేరం రుజువుకావడంతో ఆండ్రూచాన్ తో పాటు మరో 9 మందికి బుధవారం తెల్లవారుజామున మరణశిక్ష విధించారు. ఈ నేపథ్యంలో ఆండ్రూచాన్ ఆఖరి కోరిక అడుగగా అతనికి తన ప్రియురాలిని పెళ్లి చేసుకోవాలని ఉందని కోరాడు. దీంతో జైలులోనే ఖైదీల సమక్షంలో వారి వివాహం ఘనంగా జరిపి ఆండ్రూచాన్ ఆఖరి కోరిక తీర్చారు పోలీసు అధికారులు. ఆస్ట్రేలియాకు చెందిన మరో నిందితుడు మ్యూరన్ సుకుమారన్ చివరి క్షణాల వరకు పెయింటింగ్‌లు వేసేలా చూడాలని కోరాడు.