అల్లు అర్జున్‌, కొర‌టాల శివ కాంబినేష‌న్ మూవీకి సంబంధించిన అధికారిక ప్ర‌క‌ట‌న వ‌చ్చేసింది. ఆ ఇద్ద‌రి కాంబినేష‌న్‌లో ఓ సినిమా రానున్న‌ద‌ని కొన్ని రోజులుగా అన‌ధికార వార్త‌లు వ‌స్తున్నాయి. ఇప్పుడు ఆ వార్త‌ల‌ను నిజం చేస్తూ ప్ర‌క‌ట‌న వెలువ‌డింది. ఈ AA21 మూవీ నిర్మాణ బాధ్య‌త‌ల‌ను కొత్త‌వాళ్లు చేప‌డుతున్నారు. కొర‌టాల స్నేహితుడైన సుధాక‌ర్ మిక్కిలినేని ఈ చిత్రాన్ని నిర్మించ‌నున్నారు. యువ‌సుధ ఆర్ట్స్ బ్యాన‌ర్‌పై రూపొందే ఈ మూవీకి శాండీ, స్వాతి, న‌ట్టీ స‌హ నిర్మాత‌లు. గీతా ఆర్ట్స్ 2 నిర్మాణ భాగ‌స్వామిగా వ్య‌వ‌హ‌రించ‌నున్న‌ది.

అల్లు అర్జున్ ప్ర‌స్తుతం సుకుమార్ డైరెక్ష‌న్‌లో త‌న 20వ సినిమా పుష్ప చేస్తుండ‌గా, కొర‌టాల శివ త‌న ఐద‌వ చిత్రం ఆచార్య‌ను మెగాస్టార్ చిరంజీవితో చేస్తున్నారు. ఆ సినిమాలు పూర్త‌వ‌గానే AA21 సెట్స్‌పైకి వెళ్ల‌నుంది.

ఈ మూవీ ఎనౌన్స్‌మెంట్ సంద‌ర్భంగా అల్లు అర్జున్ త‌న ఆనందాన్ని ట్విట్ట‌ర్ ద్వారా పంచుకున్నాడు. "కొర‌టాల శివ గారితో నా త‌దుప‌రి ఫిల్మ్ AA21ను ప్ర‌క‌టించ‌డానికి చాలా సంతోషిస్తున్నాను. కొంత కాలం దీని కోసం క్వైట్‌గా ఎదురుచూస్తాను. సుధాక‌ర్ గారి ఫ‌స్ట్ వెంచ‌ర్ సంద‌ర్భంగా ఆయ‌న‌కు బెస్ట్ విషెస్‌. శాండీ, స్వాతి, న‌ట్టీ.. మీపై నా ప్రేమ‌ను ఇలా చూపిస్తున్నాను గైస్" అని ఆయ‌న ట్వీట్ చేశాడు. కొర‌టాల శివ కూడా "నా త‌దుప‌రి చిత్రాన్ని స్టైలిష్ స్టార్ అల్లు అర్జున్‌తో ఎనౌన్స్ చేస్తున్నందుకు ఆనందిస్తున్నా" అని ట్వీట్ చేశారు.