అల్లు అర్జున్, కొరటాల శివ కాంబినేషన్‌లో సినిమా ప్రకటన వచ్చింది. 'మిర్చి'లో ప్రభాస్‌ను, 'శ్రీమంతుడు', 'భరత్ అనే నేను' సినిమాల్లో మహేష్‌బాబును, 'జనతా గ్యారేజ్'లో ఎన్టీఆర్‌ను కొత్తగా చూపించిన కొరటాల... ఈ సినిమాలో బన్నీని ఎలా చూపిస్తాడో అని చాలామంది ఊహిస్తున్నారు. అల్లు, మెగా అభిమానులు ఈ సినిమా ప్రకటన పట్ల సంతోషంగా ఉన్నారు. 'దిల్' రాజు ఆఫీసు జనాలు సంతోషంగా లేరట. సుకుమార్ దర్శకత్వంలో 'పుష్ప' కంప్లీట్ చేసిన తరవాత, కొరటాల సినిమాను సెట్స్ మీదకు తీసుకు వెళరతారనే ప్రచారం, ఎర్లీ 2022లో విడుదల చేస్తామని అధికారికంగా ప్రకటన రావడం పట్ల అసంతృప్తితో ఉన్నారట. ప్రస్తుతానికి 'ఐకాన్' సినిమాను అల్లు అర్జున్ పక్కన పెట్టేసినట్టే అని గుసగుసలు వినిపిస్తున్నాయి.

సుకుమార్ 'పుష్ప'తో పాటు 'దిల్' నిర్మాణంలో వేణు శ్రీరామ్ దర్శకత్వంలో 'ఐకాన్' సినిమాను అల్లు అర్జున్ ప్రకటించారు. ఇప్పుడు కొరటాల శివ సినిమా కుదరడంతో ముందు ఆ సినిమా చేసి, తరవాత 'ఐకాన్' చేయాలని అనుకుంటున్నారట. ఇంతకు ముందు కూడా 'ఐకాన్' మీద ఇటువంటి పుకార్లు వచ్చాయి.