తెలుసుకో నేస్తమా !
నీ నుదిటి"బొట్టు"లోగుట్టు..! 
నీకు...అది...
తరగని ఒక సౌభాగ్య నిధి !

పెట్టుకో నేస్తమా..!
నుదుట "బొట్టు" పెట్టుకో...!
నీ "నుదిటి బొట్టు"
నీ అందానికి...
నీ అహంకారానికి...
ఇతరులపై
నీ ఆధిపత్యానికి...ప్రతీక కారాదు...

అది నీలోని అచంచలమైన భక్తికి...
నీలోని సమయస్ఫూర్తికి శ్రమశక్తికి...
సకల సమస్యలనుండి నీ విముక్తికి...

నీలోని ప్రేమతత్వానికి...
స్వచ్ఛమైన నీ వ్యక్తిత్వానికి...
నీలోని మంచితనానికి మానవత్వానికి...

నీలోని సహనానికి సౌభ్రాతృత్వానికి...
నీలో దాగిన దాతృత్వానికి దైవత్వానికి...
ప్రతిబింబం కావాలి నీకు జ్ఞాననేత్రం కావాలి.