ముళ్ల బాటలో నడిచి నడిచి
అలసిపోయిన ఆకలిగొన్న వ్యక్తిని
పూలతోటలోకి తీసుకుపోయిన లాభమేమి.?

ఆ తోటలో ఘుమఘుమలాడే
అందమైన పూలెన్ని వున్నా
ఆ వ్యక్తి ఆరని ఆకలిని తీర్చలేవుగా

అదే ఏ మామిడి తోటలోకో తీసుకుపోతే,
మామిడి పండు ఒక్కటి తిన్నా చాలుగా
వెంటనే వాని ఆకలిమంట ఆరునుగా

అందుకే దాతలారా ఓ ధన్యజీవులారా!
ఆపన్నహస్తాన్ని అందించేముందు
ఒక్కసారి ఆలోచించండి 

అన్న పోలన్న అందించు ఈ శుభసందేశాలు
ఓపికతో విన్నా చదివినా చాలు ఒక్కసారి
జిలుగువెలుగులు విరజిమ్ము మీ జీవితాన
గుర్తుండి పోతుంది సదాకాలం మీ గుండెలోన