కోటివిద్యలు కూటికొరకే
ఏ కళైనా ఏ విద్యైనా 
ఏ క్రీడైనా ఏ వ్యాపారమైనా
బతుకుభారం కానంతకాలం
నీతినియమాలకు
తిలోదకాలివ్వక
ఎవరేవిధంగా ప్రవర్తించినా
ఎట్టి కర్మలు చేసినా
బతుకుతెరువుకోసమే...
జానెడు పొట్టకోసమే...
పిడికెడు తిండికోసమే...

కానీ, కన్నవారిని
కష్టాల్లో నెట్టకుండా
కట్టుకున్నభార్యకు
చేదోడువాదోడుగా ఉంటూ
సంసారసాగరాన్ని ఈదుతూ
ఆర్జించిన ధనాన్ని
భద్రంగా బ్యాంకుల్లో దాచుకోక
పదిమందికి దానధర్మాలుచేసి
మిగిలిందే కన్నవారికి పంచి
సుఖజీవనం సాగించేవారికి
దక్కును పుణ్యం పురుషార్ధం

ఔను తరతరాలకు తరగని
కరగని ధనమున్నవారు..ధనవంతులే
కానీ ధనవంతులందరూ...దాతలు కాదు
దాతలందరూ ధన్యజీవులే...పుణ్యమూర్తులే