చదువుకోవాలేమో

పెళపెళలాడే ఎదుటి మనిషి లోలోతుల మనసుపుటల చప్పుడు ఎప్పుడూ వినబడుతూనే ఉంది
దాంట్లో ఉన్నదేదో అతను చదివి చెప్పేది అబద్దమని
తన మందహాసపు మంద్రపు సంతకమే హామీ అన్నట్లు చెప్పిన మాటలను నమ్మే నిరక్ష్యరాస్యుడినే నేను
లిపులు వేరోమో
ప్రతొక్కడి మనోపుట భావమొకటే
పక్కకి తిరిగి వెక్కిరింపుల చప్పుళ్లకు
విరిగిన పాళీ మోత తప్పుళ్లని
గుర్తించడానికి నేను కూడా చదువుకోవాలేమో
నాలోని నన్ను పూర్తిగా
పూరించుకోని ఖాళీ ప్రశ్నలను ఆర్తిగా
చదువుకోవాలేమో
జగమంత కుటుంబమనే విశ్వ విద్యాలయంలో
ఘనమని వేసిన పూమాలలు
ఎండటానికి ఎక్కువ సేపు పట్టదనే
విషయ సూచిక తో మొదలెట్టి
చదువుకోవాలేమో
లోకపు అక్షరాలను
లోహపు గుండెలనుంచి సంగ్రహించి
లోలోపలి పేరాలను ఆరాల నిగ్రహాలపై
చదువుకోవాలేమో!!!!!!

- Raghualla