పరిస్థితులు

జీవనగమనంలో
పరిస్థితులెప్పటికి ఒకేలా వుండవు
రోజురోజుకోలా మారిపోతుంటయ్
మనకంతుపట్టవు అర్థంకావు
అంచనాకసలందవు
ఇపుడున్న
రోజులేమిరోజులో ఏమైతుందో
తెలియదసలు
మనుషులను మనసారా కలుసుకోలేక
ఏమైనా తమలోతామే పోరాటంచేస్తూ
దూరపు పిలుపులతో రోజులు
భారంగా గడుపుతున్నరు
మంచిలేదు చెడులేదు
అంతా అయోమయంలో 
అడుగులేస్తున్నరు
ఈ సంగ్రామంలో గెలుపు కాలనిదా? కాయనిదా?
అందుకే
గతం మరచిపో
గమనించి నడుచుకో
ఆశలశ్వాసలలో మనందరీ
భవిష్యత్తున్నది

సి. శేఖర్(సియస్సార్)