నాన్నే నా స్నేహితుడు

అమ్మ జన్మనిచ్చిన
ప్రేమెంత కురిపించినా
నాన్నెపుడు కొండంత ధైర్యం
కోరినదేదైన కష్టాన్నిదాచి
మనముందుంచుతాడు
ఆయన కలలన్నీ
నే బావుండాలనే
సమాజంలో మర్యాద నేర్పి
నేర్పును ఓర్పును నేర్పేది నాన్న
తప్పటడుగులు పడినా
సరిచేసి సాధన నేర్పే గురువు నాన్న
నవ్వుతూ నవ్విస్తూ 
నవ వసంతాలు నింపేది నాన్న
కలిమి లేములలో తొణకని సూర్యడౌతాడు నాన్న
నా నవ్వుకు కారణం నాన్న
నాన్నే నా బతుకు భగవంతుడు
సదా పాదాభివందనం

జి.కీర్తి