పెసరట్లతో కూర

కావలసిన పదార్ధాలు :-

పెసలు (లేదా) పెసర పప్పు                             - 1 గ్లాసు 
ఉల్లిపాయ ముక్కలు                                      - 1 కప్పు
టమాటా ముక్కలు                                        - 1 కప్పు
అల్లం వెల్లుల్లి పేస్టు                                         - 2 చెంచాలు 
ఉప్పు                                                         - తగినంత 
పచ్చిమిరపకాయలు                                       - 2 
అల్లం                                                           - చిన్నముక్క 
జీలకర్ర                                                         - 1  చెంచా 
పసుపు                                                        - కొద్దిగా 
నూనె                                                           - కూరకి సరిపడ 
కారం                                                            - 1  చెంచా 
ధనియాలపొడి                                                -  కొద్దిగా
గరం మసాలా                                                 -  కొద్దిగా
కరివేపాకు                                                      - 8 ఆకులు

తయారీవిధానం :-

* పెసలు (లేదా) పెసర పప్పు 1 గంట నానబెట్టి కడిగి.. పచ్చిమిర్చి, అల్లం, అరచెంచా జీలకర్ర వేసి రుబ్బుకోవాలి.

* మూకుడులో సన్నగా చిన్నగా తరిగిన ఉల్లి ముక్కలు అల్లం వెల్లుల్లి ముద్ద... కరివేపాకు, జీలకర్ర, పచ్చిమిరప ముక్కలు వేసి.. నూనెలో వేయించుకోవాలి.

* ఈ కూర దగ్గర పడేదాకా వేయించుకుని ఉప్పు, పసుపు వేయాలి. పులుపు మరికాస్త కావాలనుకుంటే చింతపండు రసం వేసుకోవాలి.

* ధనియాలపొడి, కారం,  గరంమసాలా వేసి ఉడకనివ్వాలి.. ప్రక్క స్టవ్ మీద మరీ పలుచగా కాకుండా మరీ దళసరిగా కాకుండా మధ్యస్థంగా పెసరట్లు చిన్నగా బాగా దోరగా కాలేలావేసుకుని...

* 2, 3 అట్లు వేసుకున్నాక.. వాటిని చిన్న ముక్కలుగా తెంపుకుని.. ఈ కూరలో వేసి బాగా కలిపి.. కూరపైన కొత్తిమీర, పాలమీగడ  (లేక) నేయి వేసి అలంకరించుకోవాలి. ఈ కూర అన్నంతో చాలా రుచిగా ఉంటుంది.

- భారతి