బీజేపీ వీడిన యెన్నం .. ఇప్పుడు నేనొక్కడినే ఉద్యమం మొదలుపెడుతున్నా

పాలమూరులో బీజేపీకి ఎదురుదెబ్బతగిలింది. బీజేపీకి యెన్నం శ్రీనివాస్ గుడ్ బై చెప్పేశారు. ఈ సందర్భంగా ఆయన ప్రెస్ మీట్ నిర్వహించి రెండు రోజుల్లో భవిష్యత్ కార్యచరణను ప్రకటిస్తామని తెలియజేశారు. ప్రజలకు మేలు చేసేందుకు యువత కలిసిరావాలి అని సూచించారు. రాబోయే రోజుల్లో తాము ప్రత్యామ్నాయంగా మారుతామని.. ఏపార్టీ ప్రత్యామ్నాయంగా మారలేకపోతున్నాయని అన్నారు. తెలంగాణ గమ్యాలు, లక్ష్యాలు దూరమవుతున్నాయి.. బడుగుల తెలంగాణ కోసం కృషి చేస్తాం.. ఉద్యోగం మానేసి మరీ నేను ఆనాడు ఉద్యమంలో చేరాను.. ఇప్పుడు మళ్లీ ఉద్యమం చేయాల్సి ఉంది.. ఇప్పుడు నేనొక్కడినే ఈ ఉద్యమం మొదలుపెడుతున్నాను అని వ్యాఖ్యానించారు. ఉద్యమకారులను ఇప్పటివరకూ సత్కరించుకోలేకపోయాం.. వాళ్లందరి ఆశీస్సులు మేం తీసుకుంటామన్నారు. నాగం జనార్ధన రెడ్డి మాతోనే ఉన్నారు.. త్వరలో అందరూ కలిసి వస్తారు అని స్పష్టం చేశారు.