టీడీపీ లోకి వెళ్లిన ఆరుగురు ఎమ్మెల్యేలు బాధ పడుతున్నారు.. వైసీపీ

వైసీపీ పార్టీ నుండి ఇప్పటికే చాలామంది ఎమ్మెల్యేలు అధికార పార్టీ అయిన టీడీపీలోకి జంప్ అయ్యారు. ఇంకా చాలా మంది ఎమ్మెల్యేలు టీడీపీలోకి చేరేందుకు సిద్దంగా ఉన్నారని టీడీపీ నేతలు చెబుతూనే ఉన్నారు. అయితే ఇప్పుడు టీడీపీలోకి జంప్ అయిన ఎమ్మెల్యేల గురించి వైసీపీ పార్టీ కొత్త విషయాలు బయటపెడుతోంది. వైసీపీ పార్టీ నుండి టీడీపీ పార్టీ లోకి వెళ్లిన ఎమ్మెల్యేల్లో ఆరుగురు ఎమ్మెల్యేలు తమతో టచ్ లో ఉన్నారని.. టీడీపీలోకి వచ్చిన తరువాత.. ఇలా ఎందుకు చేశామా అని బాధపడుతున్నారని చెప్పారు. వైకాపా ఎమ్మెల్యేలు కాకాని గోవర్ధన్, ప్రతాప్ కుమార్లు మీడియా సమావేశంలో పాల్గొన్న సందర్బంలో పై విధంగా వ్యాఖ్యానించారు. తెలుగుదేశం నాలుగో అభ్యర్థిని నిలబెట్టినా, తమకు వచ్చే నష్టమేమీ లేదని.. విజయసాయిరెడ్డి గెలుపుపై తమకు అనుమానాలు లేవని స్పష్టం చేశారు. తెదేపాలో చేరిన 17 మందిలో తప్పుతెలుసుకున్న అత్యధికులు తిరిగి వెనక్కు రానున్నారని అన్నారు. మరి దీనిపై టీడీపీ ఎలా స్పందిస్తుందో చూడాలి.